Voice of Tibet

Voice of Tibet’s main objectives are to provide a channel for unbiased information and news to the Tibetans living under Chinese oppression in Tibet, to help preserve the threatened Tibetan culture, to educate the Tibetans in internationally acknowledged human rights, to inform about democracy and the democratic institutions of the Tibetan exile community, and to help prevent conflicts and discrimination. Another main objective is to improve communications within as well as between the Tibetan exile communities.

Voice of Tibet is a news podcast hosted by Unknown Host, with 10 episodes on record and a Required Pod Score of 80.

Unknown Host hosts Voice of Tibet, a news show with 10 episodes published.

Our AI reads these to draft pitches. Use them as grounding for a pitch that cites a real guest and a specific topic.

• 

  Voice of Tibet

  བོད་ཀྱི་གཞོན་ནུ་ལྷན་ཚོགས་ཀྱིས་ལྡི་ལི་རྒྱ་དམར་གཞུང་ཚབ་མདུན་དུ་མི་རིགས་རྩ་མེད་གཏོང་བའི་སྲིད་བྱུས་ལ་ངོ་རྒོལ།

  Oct 1, 2026—

  དེ་རིང་རྒྱ་ནག་མི་མང་སྤྱི་མཐུན་རྒྱལ་ཁབ་འགོ་ཚུགས་ཏེ་ལོ་ ༧༧ འཁོར་བའི་ཉིན་མོར་བོད་ཀྱི་གཞོན་ནུ་ལྷན་ཚོགས་ཀྱི་ལས་འགུལ་བ་མི་གྲངས་ ༤༠ ཙམ་ནས་རྒྱལ་ས་ལྡི་ལིར་རྟེན་གཞི་བྱས་པའི་རྒྱ་དམར་གཞུང་ཚབ་ཁང་གི་མདུན་དུ་ངོ་རྒོལ་གྱི་ལས་འགུལ་སྤེལ་ཡོད་པ་དང་།   ལས་འགུལ་དེའི་ནང་མཉམ་ཞུགས་གནང་མཁན་བོད་ཀྱི་གཞུན་ནུའི་ལས་འགུལ་བ་རྣམས་ས་གནས་སུ་མཐོ་རིམ་སློབ་གྲྭར་འགྲིམ་བཞིན་པའི་སློབ་ཕྲུག་ཁོ་ན་རེད་འདུག །ཁོང་ཚོས་རྒྱ་ནག་གཞུང་གི་མི་རིགས་མཐུན་སྒྲིལ་ཡར་ཐོན་སྐུལ་འདེད་ཟེར་བའི་ཁྲིམས་ཡིག་ལ་ངོ་རྒོལ་དང་སྦྲགས། ཁྲིམས་གཞི་དེའི་རྒྱལ་ཁབ་གཅིག་དང་མི་རིགས་གཅིག་གི་སྐད་ཆ་ཤོད་ཀྱི་ཡོད་ཀྱང་། བོད་དེ་རྒྱ་ནག་དང་ཐ་དད་པའི་རྒྱལ་ཁབ་གཅིག་ཡིན་པ་མ་ཟད། རྒྱ་ནག་དང་མི་འདྲ་བར་བོད་མིར་སོ་སོའི་རྒྱལ་ཁབ་ཀྱི་ཆོས་དང་རིག་གཞུང་། སྐད་ཡིག་བཅས་ལོགས་སུ་ཡོད་པའི་མི་རིགས་ཤིག་ཡིན་པ་ནན་བརྗོད་གནང་འདུག ལས་འགུལ་བ་ཕོ་མོ་གྲངས་ ༤༠ ཙམ་ཡོད་པ་དེ་དག་གིས་བོད་ཀྱི་རྒྱལ་དར་དང་འབོད་ཚིག་འཁོད་པའི་འཕྲེད་དར་བཅས་ཕྱར་ཏེ། སྐད་འབོད་བྱེད་བཞིན་པའི་ཐོག་རྒྱ་དམར་གཞུང་ཚབ་ཀྱི་མདུན་ཐང་དུ་ངོ་རྒོལ་ཤུགས་ཆེ་བྱས་ཡོད་པ་དང་། སྐབས་དེར་ས་གནས་སུ་རྒྱ་གར་གྱི་སྐོར་སྲུང་བ་ཕོན་ཆེན་འགྲེམས་འཇོག་བྱས་འདུག་པ་དང་། རིམ་པས་འགུལ་བ་ཚང་མ་འཛིན་བཟུང་གིས་ Mandir Marg མཱན་དིར་མཱརྐ་སྐོར་སྲུང་ལས་ཁུངས་སུ་དོ་དམ་བྱས་རྗེས། ཆུ་ཚོད་ ༣།༤༠ ཡས་མས་སུ་གློད་བཀྲོལ་བྱས་འདུག དེ་རིང་ལས་འགུལ་གོ་སྒྲིག་གནང་མཁན་བོད་ཀྱི་གཞོན་ནུ་ལྷན་ཚོགས་ཀྱི་ཕྱི་འབྲེལ་ཚན་པའི་དྲུང་ཆེ་བསྟན་འཛིན་ཟླ་གསལ་ལགས་ཀྱིས་གསུངས་དོན་ལྟར་ན།  རྒྱ་ནག་གི་བོད་བཙན་ཟུང་བྱས་ཏེ་ལོ་ངོ་ ༦༠  ལྷག་འགྲོ་གི་ཡོད་པ་དང་།  དུས་ཡུན་དེའི་རིང་རྒྱ་ནག་གཞུང་གི་ངོས་ནས་བོད་མིའི་ཆོས་དང་རིག་གཞུང་བཅས་པ་རྩ་མེད་བཟོ་ཐབས་བྱས་པ་མ་ཟད། རྒྱ་ནག་གི་བོད་མིར་འཛིན་པའི་སྲིད་བྱུས་དེའི་འོག །ད་བར་བོད་མི་གྲངས་ ༡༧༠ ལྷག་ནས་རང་ལུས་མེར་སྲིག་གཏང་དགོས་པ་སོགས་ཀྱི་ཡ་ང་བའི་གནས་ཚུལ་བྱུང་ཡོད་ཅིང་། བོད་ཀྱི་གཞོན་ནུ་ལྷན་ཚོགས་ངོས་ནས་དེ་རིང་རྒྱ་ནག་མི་མང་སྤྱི་མཐུན་རྒྱལ་ཁབ་གསར་འཛུགས་བྱས་པའི་ཉིན་མོ་དེར་ངོ་རྒོལ་ཡོད་པ་མ་ཟད། ཉེ་བའི་ཆར་རྒྱ་ནག་གཞུང་གི་ངོས་ནས་བོད་མིའི་ངོ་བོ་རྩ་མེད་བཟོ་ཐབས་ཆེད་མི་རིགས་མཐུན་སྒྲིལ་ཟེར་བའི་ཁྲིམས་ཞིག་ལག་བསྟར་བྱེད་འགོ་བཙུགས་པ་དེར་མཐའ་གཅིག་ཏུ་ངོ་རྒོལ་དང་དང་ཆབས་ཅིག །ཁྲིམས་གཞི་དེ་ཕྱིར་འཐེན་དགོས་པ་དང་། བོད་མིའི་ཆབ་སྲིད་བཙོན་པ་རྣམས་འཕྲལ་མར་གློད་བཀྲོལ་བྱ་དགོས་པ་བཅས་ཀྱི་དགོས་འདུན་མངོན་གསལ་གནང་སོང་། The post བོད་ཀྱི་གཞོན་ནུ་ལྷན་ཚོགས་ཀྱིས་ལྡི་ལི་རྒྱ་དམར་གཞུང་ཚབ་མདུན་དུ་མི་རིགས་རྩ་མེད་གཏོང་བའི་སྲིད་བྱུས་ལ་ངོ་རྒོལ། appeared first on vot .

  ListenShow Notes
• 

  Voice of Tibet

  ༸རྒྱལ་དབང་ཀརྨ་པ་མཆོག་མྱུར་དུ་འབྲས་ལྗོངས་ནང་ཕེབས་ཐུབ་ཐབས་སླད་གང་ཡོང་བྱེད་བཞིན་ཡོད་ཅེས་གསུངས་འདུག

  Sep 30, 2026—

  དཔལ་༸རྒྱལ་དབང་ཀརྨ་པ་ཨོ་རྒྱན་འཕྲིན་ལས་རྡོ་རྗེ་རིན་པོ་ཆེ་མཆོག་འདི་ལོའི་ཕྱི་ཟླ་ ༡༠ པའི་ཟླ་མཇུག་ཏུ་འབྲུག་རྒྱལ་ཁབ་ནང་དུ་ཕེབས་གཏན་འཁེལ་བ་དང་འབྲེལ། འབྲས་ལྗོངས་མངའ་སྡེའི་སྤྱི་ཁྱབ་བློན་ཆེན་མཆོག་གིས་༸རྒྱལ་དབང་མཆོག་མྱུར་དུ་འབྲས་ལྗོངས་མངའ་སྡེའི་ནང་ཆིབས་བསྒྱུར་མཛད་རྒྱུའི་རེ་བ་ཞུ་བཞིན་པ་དང་མངའ་སྡེ་གཞུང་ནས་ཐབས་ཤེས་གང་ཡོང་གནང་བཞིན་ཡོད་པ་མ་ཟད། ཉིན་གཅིག་གཏན་གཏན་ཕེབས་ཐུབ་ཀྱི་རེད་ཅེས་གསུངས་འདུག དེ་ཡང་ཕྱི་ཟླ་ ༡༠ ཚེས་ ༢༩ ནས་ཕྱི་ཟླ་ ༡༡ ཚེས་ ༧ བར་༸རྒྱལ་དབང་མཆོག་འབྲུག་རྒྱལ་ཁབ་ནང་། འབྲུག་དགེ་ལེགས་ཕུག་ས་གནས་སུ་གསར་རྒྱག་གནང་བཞིན་པའི་འབྲུག་ཡུལ་གྱི་ཚོང་འབྲེལ་གྲོང་ཁྱེར་དགེ་ལེགས་ཕུག་དྲན་ཤེས་ཁྲོམ་ཚོགས་ཀྱི་གཞུང་འབྲེལ་མཛད་སྒོ་དབུས་པའི་གནས་གཟིགས་དང་ཆོས་འབྲེལ་སོགས་ཀྱི་མཛད་འཆར་ཁག་གཅིག་ཐུགས་གཏན་འཁེལ་བ་དང་འབྲེལ། འདི་ཚེས་ ༢༦ ཉིན་འབྲས་ལྗོངས་བདུད་འཇོམས་ཐོས་བསམ་འཕགས་པ་རྫོང་དགོན་པ་དབུ་འབྱེད་མཛད་སྒོའི་ཐོག །སྤྱི་ཁྱབ་བློན་ཆེན་ Prem Singh Tamang-Golay པྲེམ་སིང་རྟ་དམག་གོ་ལེ་ལགས་ཀྱིས་གསུང་བཤད་ཁྲོད། དཔལ་༸རྒྱལ་དབང་ཀརྨ་པ་རིན་པོ་ཆེ་མཆོག་འབྲུག་ཡུལ་ནང་དུ་ཆིབས་བསྒྱུར་མཛད་རྒྱུའི་གནད་དོན་དེ་དང་འབྲེལ་ནས་འབྲུག་ཡུལ་ནི་འབྲས་ལྗོངས་མངའ་སྡེ་དང་ཐག་ཉེ་པོ་ཡོད་སྟབས། མི་མང་ཡང་ཁུལ་དེར་རིན་པོ་ཆེ་མཆོག་མཇལ་ཞུ་སླད་དུ་བསྐྱོད་འཆར་ཡོད་སྲིད་པ་དང་སྐྱོད་དགོས་ངེས་ཀྱང་ཡིན་ཞིང་། མངའ་སྡེ་གཞུང་གི་ངོས་ནས་༸རྒྱལ་དབང་མཆོག་འབྲས་ལྗོངས་སུ་གདན་འདྲེན་ཞུ་རྒྱུའི་ཆེད་དུ་མུ་མཐུད་འབད་བརྩོན་གང་ཡོང་བྱེད་བཞིན་ཡོད་པ་དང་། དབུས་གཞུང་དང་ལྷན་དུའང་འབྲེལ་བ་བྱས་ཡོད་པ་མ་ཟད། ཉིན་གཅིག་གཏན་གཏན་ཕེབས་ཐུབ་ཀྱི་རེད་ཅེས་གསུངས་སོང་། ད་དུང་ཁོང་གིས་༸རྒྱལ་དབང་མཆོག་འབྲས་ལྗོངས་ཀྱི་ཉེ་འདབས་སུ་ཡོད་པའི་འབྲུག་རྒྱལ་ཁབ་ནང་དུ་ཕེབས་རྒྱུ་དེ་ནི། ང་ཚོར་མཚོན་ན་དོན་འབྲས་ཆེན་པོ་ཞིག་ཡིན་ཞིང་། མགྱོགས་ནས་མྱུར་དུ་འབྲས་ལྗོངས་སུ་ཆིབས་བསྒྱུར་མཛད་ཐུབ་པའི་སྨོན་འདུན་ཞུ་རྒྱུ་དང་། ལྷག་པར་༸རྒྱལ་དབང་མཆོག་ལ་དེ་འབྲེལ་གསོལ་འདེབས་ཞུས་ཡོད་པ་དང་ཆབས་ཅིག །འབྲས་ལྗོངས་ནང་དུ་ཆོས་སྡེ་ཁག་མང་པོ་ཡོད་པའི་བྱིན་རླབས་ཀྱི་མཐུ་ལ་བརྟེན་ནས་མྱུར་དུ་ཞལ་མཇལ་སྐལ་བཟང་གི་གོ་སྐབས་ཐོབ་རྒྱུའི་རེ་བ་འཆང་བཞིན་ཡོད་པ་གསུངས་འདུག རྩ་བའི་ད་རེས་འབྲུག་རྒྱལ་པོའི་ཐུགས་དགོངས་ལྟར་མང་ཚོགས་སྟོང་ཕྲག་མང་པོས་དྭང་བླངས་ཐོག་མཉམ་ཞུགས་ཀྱིས་ཉིན་གཅིག་ནང་བྱང་ཆུབ་མཆོད་རྟེན་མཐོ་ཚད་ལ་མི་ཊར་ ༡༥ ཅན་གྲངས་ ༡༠༨ བཞེངས་རྒྱུའི་གཞུང་འབྲེལ་གྱི་མཛད་སྒོར་ཆོས་བརྒྱུད་རིས་སུ་མ་མཆིས་པའི་བསྟན་བདག་བླ་ཆེན་རྣམ་པ་ཕེབས་ཀྱི་ཡོད་པ་དང་། བླ་ཆེན་ཁྲོད་༸དཔལ་ས་སྐྱ་གོང་མ་ཁྲི་ཆེན་རྡོ་རྗེ་འཆང་ཆེན་པོ་མཆོག་དང་། ༸དགའ་ལྡན་ཁྲི་ཆེན་རྡོ་རྗེ་འཆང་ཆེན་པོ་མཆོག །དེ་བཞིན་ས་སྐྱ་༸གོང་མ་ཁྲི་འཛིན་ ༤༢ པ་རཏྣ་བཛྲ་རིན་པོ་ཆེ་མཆོག །ས་སྐྱ་༸གོང་མ་ཁྲི་འཛིན་ ༤༣ པ་ཛྙན་བཛྲ་རིན་པོ་ཆེ་མཆོག །༸སྐྱབས་རྗེ་ཛི་སྒར་ཀོང་སྤྲུལ་འཇིགས་མེད་རྣམ་རྒྱལ་རིན་པོ་ཆེ་མཆོག་སོགས་ཆིབས་བསྒྱུར་མཛད་ཀྱི་ཡོད་པ་མ་ཟད། བོད་མིའི་བླ་ཆེན་ཁག་གཅིག་ནས་བྱང་ཆུབ་མཆོད་རྟེན་རེ་བཞེངས་རྒྱུའི་སྦྱིན་བདག་གནང་ཡོད་པ་རེད་འདུག ཕྱི་ལོ་ ༢༠༡༧ ལོར་༸རྒྱལ་དབང་ཀརྨ་པ་རིན་པོ་ཆེ་མཆོག་བྱང་ཨ་རི་ཁུལ་དུ་སྨན་བཅོས་སླད་ཆིབས་བསྒྱུར་མཛད་དེ།  སྐབས་དེ་དུས་ཀྱི་གནས་སྟངས་རྒྱུ་མཚན་ཁག་གཅིག་གི་རྐྱེན་པས་རིན་པོ་ཆེ་མཆོག་ནས་ཡུལ་དེའི་ས་ཁྲའི་གཤམ་དུ་ཡོད་པའི་ Dominica རྒྱལ་ཁབ་ཀྱི་མི་སེར་གྱི་ཐོབ་ཐང་བཞེས་ཡོད་པ་དང་།  དུས་དེ་ནས་བཟུང་༸རྒྱལ་དབང་ཀརྨ་པ་མཆོག་རྒྱ་གར་དུ་ཕྱིར་ཕེབས་ཐུབ་མེད་པའི་གནས་སྟངས་བྱུང་ཡོད་པ་དེ་ལྟར་ཡང་། […] The post ༸རྒྱལ་དབང་ཀརྨ་པ་མཆོག་མྱུར་དུ་འབྲས་ལྗོངས་ནང་ཕེབས་ཐུབ་ཐབས་སླད་གང་ཡོང་བྱེད་བཞིན་ཡོད་ཅེས་གསུངས་འདུག appeared first on vot .

  ListenShow Notes
• 

  Voice of Tibet

  རྒྱལ་གཅེས་དཔའ་བོ་བློ་དགའ་རང་བཙན་ལགས་ལ་རྗེས་དྲན་དང་འབྲེལ་བོད་མི་སྒེར་པ་ཁག་གཅིག་གིས་ལས་འགུལ་སྤེལ་བ།

  Sep 29, 2026—

  རྒྱལ་གཅེས་དཔའ་བོ་བློ་དགའ་རང་བཙན་ལགས་ཀྱིས་འདི་ལོའི་ཕྱི་ཟླ་ ༧ ཚེས་ ༢ ཉིན་བོད་བསྟན་སྲིད་མི་རིགས་ཀྱི་ཆེད་དུ་ཨ་རིའི་ནིའུ་ཡོག་མཉམ་འབྲེལ་རྒྱལ་ཚོགས་ཀྱི་མདུན་ཐང་དུ་སྐུ་ལུས་མེར་བསྲེགས་བཏང་རྗེས། ནིའུ་ཡོག་གཙོས་པའི་རྒྱལ་སྤྱིའི་ས་གནས་གང་སར་རྒྱ་གཞུང་ལ་ངོ་རྒོལ་དང་ལས་འགུལ་གྱི་རྦ་རླབས་གསར་པ་ཞིག་གཏོད་པ་དེ་ཉིད་ད་ཆ་ཕྲན་བུས་ཉམས་ཞན་དུ་ཕྱིན་པ་མངོན་རྒྱུ་ཡོད་ནའང་། བོད་མི་སྒེར་པ་ཚོས་རང་ཉིད་ཀྱི་ལས་འགུལ་བརྒྱུད་ནས་བོད་དེ་རྒྱལ་སྤྱིའི་མངོན་གསལ་དུ་གནས་པར་བྱེད་པའི་འབད་བརྩོན་མཚམས་ཆད་མེད།  དེའང་ཉེ་ཆར་བོད་མི་ཞིག་གིས་རྒྱ་གར་གྱི་རྒྱལ་ས་ལྡི་ལི་ནས་རྡ་རམ་ས་ལར་ཞི་བའི་གོམ་བགྲོད་ཀྱི་ལས་འགུལ་ཞིག་ཁ་སང་ལེགས་གྲུབ་བྱུང་བ་དང་། དེ་བཞིན་བོད་མི་གཞན་ཞིག་གིས་གནད་དོན་འདི་ཐད་ཀར་ཁེ་ན་ཌའི་གཞུང་གི་ཆེས་མཐོའི་དབུ་ཁྲིད་བར་བསླེབས་ཐུབ་པ་གནང་སྟེ་བོད་དོན་ལ་རྒྱབ་སྐྱོར་ཡོང་བའི་ལས་འགུལ་སྤེལ་བཞིན་པ་རེད་འདུག རྒྱ་གར་ལྷོ་ཕྱོགས་ཧོན་སུར་རབ་རྒྱས་གླིང་དུ་གནས་སྡོད་གནང་མཁན་ལོ་ན་ ༥༩ ལ་སོན་པའི་བཀྲ་ཤིས་ཐག་ཆོད་ལགས་ཀྱིས་ཉེ་ཆར་ཕྱི་ཚེས་ ༢༠ ཉིན་རྒྱ་གར་གྱི་རྒྱལ་ས་ལྡི་ལིའི་བོད་མི་གཞིས་སྒར་བསམ་ཡས་གླིང་ནས་བཞུགས་སྒར་རྡ་རམ་ས་ལའི་བར་བོད་དོན་དྲིལ་བསྒྲགས་དང་ལྷག་པར་དུ་དཔའ་བོ་བློ་དགའ་རང་བཙན་ལགས་ཀྱི་གནད་དོན་ཐོག་ཡ་ལན་གཙང་མ་གནང་མེད་པ་དང་དྲང་བདེན་བྱུང་མེད་པའི་གནད་དོན་སོགས་ཀྱི་དྲིལ་བསྒྲགས་ཆེད་ཞི་བའི་གོམ་བགྲོད་ཀྱི་ལས་འགུལ་ཞིག་འགོ་འཛུགས་གནང་བ་ལྟར། ཁ་སང་དགོང་མོར་ཁོང་བཞུགས་སྒར་རྡ་རམ་ས་ལའི་མེག་གྷན་ཁྲོམ་གཞུང་དུ་བདེ་འབྱོར་དང་སྦྲགས་ལས་འགུལ་མཇུག་སྒྲིལ་གནང་སོང་། འདི་ག་གསར་འགོད་པས་སྐབས་དེར་བཀྲ་ཤིས་ཐག་ཆོད་ལགས་སུ་བཅར་འདྲི་ཞུས་པར་ཁོང་གིས་ད་ལྟའི་ཆར་སྐད་འབོད་དང་གོམ་བགྲོད་སོགས་ཀྱི་བོད་དོན་འཐབ་རྩོད་ཀྱི་ལས་འགུལ་ནང་མཉམ་ཞུགས་གནང་མཁན་གཙོ་བོ་ནི་བོད་མི་ལོ་ན་བགྲེས་པ་ཚོ་ཡིན་པ་འགྲེལ་བརྗོད་དང་སྦྲགས། མ་འོངས་པར་བོད་དོན་འཐབ་རྩོད་ཀྱི་ལས་འགུལ་ནང་བོད་མི་གཞོན་སྐྱེས་ཚོས་མཉམ་ཞུགས་གང་མང་གནང་དགོས་གལ་ཆེ་བ་ཡིན་སྐོར་གསུངས་སོང་། ཞི་བའི་གོམ་བགྲོད་ཀྱི་ལས་འགུལ་མཇུག་སྒྲིལ་དང་སྦྲགས། དེ་རིང་སྔ་དྲོ་བཀྲ་ཤིས་ཐག་ཆོད་ལགས་སུ་༸གོང་ས་༸སྐྱབས་མགོན་ཆེན་པོ་མཆོག་གི་མཇལ་ཁ་ཐོབ་ཡོད་པ་དང་།  མཇལ་ཁ་གྲུབ་མཚམས་སུ་ཁོང་གིས་དེ་རིང་༸སྐུ་མདུན་མཇལ་ཁ་ཞུ་རྒྱུའི་གོ་སྐབས་བྱུང་བ་དེ་སྐལ་པ་བཟང་པོ་ཞིག་ཡིན་པ་དང་༸གོང་ས་མཆོག་ནས་ཀྱང་ཡག་པོ་རེད་ཅེས་བཀའ་གནང་བྱུང་སྐོར་གསུངས་སོང་། རྩ་བའི་བཀྲ་ཤིས་ཐག་ཆོད་ལགས་ཀྱི་ཞི་བའི་གོམ་བགྲོད་ཀྱི་ལས་འགུལ་དེ་བཞིན་ཁྱོན་ཉིན་གྲངས་ ༨ འགོར་ཡོད་པ་དང་། ཁོང་ལྟ་བུ་ཡིན་ན་དེ་སྔ་རྒྱ་གར་ལྷོ་ཕྱོགས་ཀར་ནཱ་ཊ་ཀ་མངའ་སྡེའི་རྒྱལ་ས་སྦེང་ལོར་ནས་ཧོན་སུར་བར་བོད་དོན་དྲིལ་བསྒྲགས་ཀྱི་གོམ་བགྲོད་ལས་འགུལ་ལ་མཉམ་ཞུགས་གནང་མྱོང་མཁན་ཡང་ཡིན་པ་རེད། ཕྱོགས་མཚུངས་ཁ་སང་ཁེ་ན་ཊའི་གྲོང་ཁྱེར་ཊོ་རོན་ཊོ་གནས་བཞུགས་གཡུང་དྲུང་བསྟན་འཛིན་ལགས་ཀྱིས་རྒྱལ་ས་ཨོ་ཊ་ཝ་ལ་ཆེད་བཅར་གྱིས་ཡུལ་དེའི་ཕྱི་སྲིད་བློན་ཆེན་མཆོག་གི་སྲིད་བྱུས་ལམ་སྟོན་པ་ལྕམ་ Isabelle Buchanan ལགས་དང་ལྷན་མཇལ་འཕྲད་ཀྱིས་གཙོ་བོ་རྒྱལ་གཅེས་དཔའ་བོ་བློ་དགའ་རང་བཙན་ལགས་ཀྱི་ཨ་རིའི་ནིའུ་ཡོག་མཉམ་འབྲེལ་རྒྱལ་ཚོགས་ཀྱི་མདུན་དུ་སྐུ་ལུས་མེར་བསྲེགས་བཏང་བའི་གནད་དོན་སྐོར་ཞུ་གཏུགས་གནང་འདུག གཡུང་དྲུང་བསྟན་འཛིན་ལགས་ཀྱིས་འདི་གའི་གསར་འགོད་པར་བརྗོད་དོན་ལྟར་ན། ཁོང་རང་ཉིད་ཁེ་ན་ཊའི་ཕྱི་སྲིད་བློན་ཆེན་གྱི་སྲིད་བྱུས་སློབ་སྟོན་པ་ལྕམ་ Isabelle Buchanan ལགས་དང་ལྷན་ཁྱོན་སྐར་མ་ ༢༥ རིང་བཀའ་མོལ་ཞུ་རྒྱུའི་གོ་སྐབས་བྱུང་ཡོད་པ་མ་ཟད། ལྷག་དོན་ཡིག་ཐོག་བརྒྱུད་ནས་དཔའ་བོ་བློ་དགའ་རང་བཙན་ལགས་ཀྱིས་སྐུ་ལུར་མེར་བསྲེགས་བཏང་བའི་གནད་དོན་དང་ཁོང་གི་བཞག་པའི་སྐར་མ་ ༦ གི་ཞལ་ཆེམས་བཅས་ཀྱི་སྐོར་ཞུ་གཏུགས་གནང་རྒྱུ་བྱུང་སོང་ཞེས་གསུངས་བ་དང་སྦྲགས། འཛམ་གླིང་ཡུལ་གྲུ་ཁག་ཏུ་བཞུགས་པའི་བོད་མི་རྣམས་ནས་མི་སེར་གྱི་ཐོབ་ཐང་ལེན་པའི་ཐོག་ནས་གནས་ཡུལ་གཞུང་ལ་བོད་དོན་སྐོར་ཞུ་གཏུགས་གནང་དགོས་གལ་ཡིན་པ་དང་བོད་མི་རྣམས་ནས་རྡོག་རྩ་ཆིག་སྒྲིལ་གྱི་ཐོག་ནས་འཐབ་རྩོད་གནང་རོགས་ཞེས་ནན་བརྗོད་གནང་སོང་། The post རྒྱལ་གཅེས་དཔའ་བོ་བློ་དགའ་རང་བཙན་ལགས་ལ་རྗེས་དྲན་དང་འབྲེལ་བོད་མི་སྒེར་པ་ཁག་གཅིག་གིས་ལས་འགུལ་སྤེལ་བ། appeared first on vot .

  ListenShow Notes
• 

  Voice of Tibet

  བཙན་བྱོལ་བོད་མིའི་ཤེས་ཡོན་ལྷན་ཚོགས་དང་ཤེས་ཡོན་སློབ་སྟོན་ཚོགས་ཆུང་གཅིག་ལྕོགས་ཀྱི་ལྷན་ཚོགས་ཐེངས་བཅུ་བཞི་པ།

  Sep 29, 2026—

  ཁ་སང་ཕྱི་ཟླ་ ༩ ཚེས་ ༢༨ ཉིན་ནས་དབུ་འཛུགས་ཀྱིས་དེ་རིང་ཕྱི་ཚེས་ ༢༩ བར་ཉིན་གྲངས་གཉིས་རིང་བོད་མིའི་སྒྲིག་འཛུགས་ཀྱི་ཤེས་རིག་ལས་ཁུངས་ཀྱི་ཚོགས་ཁང་གསར་པའི་ནང་དུ།  བཙན་བྱོལ་བོད་མིའི་ཤེས་ཡོན་ལྷན་ཚོགས་དང་ཤེས་ཡོན་སློབ་སྟོན་ཚོགས་ཆུང་གཅིག་ལྕོགས་ཀྱི་ལྷན་ཚོགས་ཐེངས་བཅུ་བཞི་པ་འཚོགས་ཡོད་པ་དང་འབྲེལ།  ལྷན་ཚོགས་དབུ་འབྱེད་ཀྱི་མཛད་སྒོའི་ཐོག་ལྷན་ཚོགས་ཀྱི་ཚོགས་གཙོ་གསར་པ་བཀའ་ཟུར་ཐུབ་བསྟུན་ལུང་རིགས་མཆོག་གིས།  ལྷན་ཚོགས་ངོས་ནས་གལ་ཆེ་ཤོས་དེ་ཚོགས་མི་སྒེར་སོ་སོའི་ངོས་ནས་བཙན་བྱོལ་བོད་མིའི་ཤེས་ཡོན་སྲིད་བྱུས་ལ་ངེས་པ་རྙེད་པ་ཞིག་དང་ཡིད་ཆེས་ཡོད་པ་ཞིག་གནང་དགོས་གལ་ཡིན་པ་གསུངས་འདུག རྩ་བའི་ཉིན་གྲངས་གཉིས་རིང་འཚོགས་པའི་བཙན་བྱོལ་བོད་མིའི་ཤེས་ཡོན་ལྷན་ཚོགས་དང་ཤེས་ཡོན་སློབ་སྟོན་ཚོགས་ཆུང་གཅིག་ལྕོགས་ཀྱི་ལྷན་ཚོགས་ཐེངས་བཅུ་བཞི་པའི་ཐོག  །དེ་སྔོན་ལྷན་ཚོགས་ཀྱིས་གཏན་འབེབས་གནང་བའི་གྲོས་ཆོད་ཁག་ལག་བསྟར་ཇི་ཙམ་བྱུང་ཡོད་མེད་སྐོར་གོ་བསྡུར་སྦྱང་བཤད་དང་།  ལྷན་ཚོགས་ཀྱི་ཚོགས་མི་སྐུ་ཚབ་ནས་སློབ་གྲྭ་ཁག་ལ་གཟིགས་སྐོར་གྱི་ཕྱོགས་བསྐྱོད་ལས་བསྡོམས་སྐོར་ལེགས་ཉེས་དགོངས་འཆར།  དེ་བཞིན་ཤེས་རིག་ལྷན་ཚོགས་ཀྱི་དཔེ་དེབ་གསུམ་དཔར་བསྐྲུན་གནང་འཆར་ཡོད་པ་དེ་དག་གྲོས་གཞི་རེ་རེའི་ངོ་བོའི་ཐོག་རིམ་པའི་གྲོས་བསྡུར་དང་།  ཚོགས་མི་གསུམ་ལས་གྲུབ་པའི་དཔེ་དེབ་བསྐྱར་ཞིབ་ཚོགས་ཆུང་གི་ཚོགས་མི་གཅིག་སྐུ་ཚེ་མ་ཟིན་པའི་གནས་སྟངས་བྱུང་བར་ཚོགས་མི་གསར་པ་བསྐོ་བཞག  །རྒྱ་ནག་གི་མི་རིགས་མཐུན་སྒྲིལ་གྱི་ཁྲིམས་གསར་དང་ལྷག་པར་དུ་ཁྲིམས་ཡིག་དེའི་དོན་ཚན་གཉིས་པར་གདོང་ལེན་གྱིས་གོ་བསྡུར་སྦྱང་བཤད།  སློབ་གྲྭ་ཁག་གི་སློབ་ཕྲུག་གི་གྲངས་འབོར་ཉུང་དུ་འགྲོ་བཞིན་པའི་དཀའ་ངལ་དང་སློབ་གྲྭ་གནས་མི་གནས་སྐོར་དང་།  དགེ་རྒན་གྱི་སྤུས་ཚད་ཡར་རྒྱས་གཏོང་ཕྱོགས་སྐོར་སྟངས་འཛིན་ཇི་ལྟར་གནང་གི་ཡིན་མིན་བཅས་ཁྱོན་གྲོས་གཞི་ཁག་བཅུའི་ཐོག་གྲོས་བསྡུར་གནང་ཡོད་པ་རེད། ཁ་སང་ལྷན་ཚོགས་དབུ་འབྱེད་ཀྱི་མཛད་སྒོའི་ཐོག་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་དབུས་པའི་ཤེས་རིག་བཀའ་བློན་ཨོ་རྒྱན་བསྟན་འཛིན་མཆོག་དང་།  བཙན་བྱོལ་བོད་མིའི་ཤེས་ཡོིན་ལྷན་ཚོགས་ཀྱི་ཚོགས་གཙོ་གསར་པ་བཀའ་ཟུར་ཐུབ་བསྟན་ལུང་རིགས་མཆོག  །དེ་བཞིན་ལྷན་ཚོགས་ཁོངས་སུ་ཚོགས་མི་གསར་པ་དགའ་ལྡན་བྱང་རྩེ་གྲྭ་ཚང་གི་ཚན་རིག་སྡེ་ཚན་གྱི་འགན་འཛིན་དགེ་བཤེས་བློ་གྲོས་བཟང་པོ་ལགས་དང་། མ་སུ་རི་བོད་ཁྱིམ་སློབ་གྲྭའི་ཤེས་ཡོན་འགན་འཛིན་རིག་འཛིན་ཟླ་བ་ལགས། སམ་བྷོ་ཊ་སྤྱི་ཁྱབ་ལས་ཁུངས་ཀྱི་འགན་འཛིན་གཞོན་པ་ངག་སྒྲོན་ལགས།  ཤེས་རིག་ལས་ཁུངས་ཀྱི་དེང་རབས་ཚན་པའི་འགན་འཛིན་འཇམ་དབྱངས་ལགས་དང་སྲོལ་རྒྱུན་ཚན་པའི་འགན་འཛིན་དངོས་གྲུབ་བསྟན་པ་ལགས།  མ་ཟད་ལྷན་ཚོགས་ཀྱི་ཚོགས་མི་སྤྱི་ཟུར་བསོད་ནམས་རྒྱལ་མཚན་ལགས་དང་།  སྤྱི་ཟུར་ཉི་མ་དོན་གྲུབ་ལགས།  དགེ་ངག་དབང་ལྷ་མོ་ལགས་བཅས་བཀའ་ཤག་གིས་བསྐོ་བཞག་གནང་བའི་ཚོགས་གཙོ་དབུས་པའི་ཚོགས་མི་ ༤ དང་མཚན་གནས་རྗེས་དྲན་གྱི་ཚོགས་མི་ ༧ བསྡོམས་པའི་ཁྱོན་ཤེས་ཡོན་ལྷན་ཚོགས་ཀྱི་ཚོགས་མི་ ༡༡ ནས་མཉམ་ཞུགས་གནང་འདུག སྐབས་དེར་བཙན་བྱོལ་བོད་མིའི་ཤེས་ཡོིན་ལྷན་ཚོགས་ཀྱི་ཚོགས་གཙོ་བཀའ་ཟུར་ཐུབ་བསྟན་ལུང་རིགས་མཆོག་གིས།  བཙན་བྱོལ་བོད་མིའི་ཤེས་ཡོན་སྲིད་བྱུས་གཏན་འབེབས་གནང་དགོས་པའི་ཐོག་མའི་དམིགས་ཡུལ་དང་། རྒྱབ་ལྗོངས།  གྲུབ་འབྲས་སྐོར་ཞིབ་ཕྲའི་གནས་ཚུལ་ངོ་སྤྲོད་དང་འབྲེལ།  ཤེས་ཡོན་ལྷན་ཚོགས་ཀྱི་ཚོགས་མི་ཚོའི་ངོས་ནས་སློབ་གྲྭ་ཁག་དང་། ཕ་མ། སྤྱི་ཚོགས་ཁྲོད་ཤེས་ཡོན་སྲིད་བྱུས་དང་འབྲེལ་བའི་སློབ་གསོ་གནང་དགོས་ཀྱི་ཡོད་དུས།  ཐོག་མར་ལྷན་ཚོགས་ཀྱི་ཚོགས་མི་རྣམས་ནས་བཙན་བྱོལ་བོད་མིའི་སྒྲིག་འཛུགས་ཀྱི་ཤེས་ཡོན་སྲིད་བྱུས་ལ་ངེས་པ་རྙེད་པ་ཞིག་དང་ཡིད་ཆེས་དགོས་པ་ཞིག་ངེས་པར་དུ་ཡོད་དགོས་སྐོར་གསུངས་སོང་།   དེ་བཞིན་ཤེས་རིག་བཀའ་བློན་ཨོ་རྒྱན་བསྟན་འཛིན་མཆོག་གིས།  བཙན་བྱོལ་བོད་མིའི་ཤེས་ཡོན་སྲིད་བྱུས་ཐོག་མར་ཕྱི་ལོ་ ༢༠༠༤ ལོར་གཏན་འབེབས་ཀྱིས་ ༢༠༠༥ ལོར་དཔེ་སྟོན་སློབ་གྲྭ་གསར་འཛུགས་བརྒྱུད་གྲུབ་འབྲས་ཡག་པོ་ཐོན་ཡོད་པ་དེ་ལྟར་ཡང་།  ཕྱིའི་གནས་སྟངས་མང་པོ་ཞིག་གི་རྐྱེན་པས་ཤེས་ཡོན་སྲིད་བྱུས་ཀྱི་དགོངས་གཞི་ལྟར་ཆ་ཚང་བ་ཞིག་ལག་བསྟར་གནང་ཐུབ་ཀྱི་མེད་པ་རིགས་ཡོད་ཚེ་དེ་དག་སྐོར་ལྷན་ཚོགས་ངོས་ནས་བཀའ་བསྡུར་ལྷུག་པོ་ཡོང་བའི་རེ་འདུན་བཏོན་པ་དང་།  གཙོ་ཆེས་ཤོས་སློབ་གྲྭ་ཁག་དང་ཕ་མ་སྤྱི་ཚོགས་ཁྲོད་བཙན་བྱོལ་བོད་མིའི་ཤེས་ཡོན་སྲིད་བྱུས་ལ་ངེས་པ་རྙེད་པ་བཟོ་དགོས་གལ་དེ་གནད་འགག་ཆེན་པོ་ཆགས་ཡོད་པ་མ་ཟད།  བཀའ་ཤག་གིས་ཉེ་ལམ་བོད་ཀྱི་སྐད་ཡིག་གཅེས་སྲུང་གི་རྩ་འཛིན་དང་ལམ་སྟོན་ཐོག་ཤེས་རིག་ལས་ཁུངས་གཙོས་པའི་སྡེ་ཚན་སོ་སོའི་ངོས་ནས་གང་གནང་དགོས་སྐོར་དགོངས་བཞེས་གནང་དགོས་པ་དང་།  སློབ་གྲྭའི་གྲངས་དང་སློབ་ཕྲུག་གི་གྲངས་འབོར་ལ་དཔག་པའི་དགོས་མཁོ་དང་མཐུན་རྐྱེན་མཁོ་སྤྲོད་ཇི་ལྟར་གནང་དགོས་སྐོར་ལྷན་ཚོགས་ངོས་ནས་དགོངས་འཆར་གནང་སྐྱོང་ཡོང་བའི་རེ་འདུན་བཏོན་གནང་སོང་།  མ་ཟད་དབུ་འབྱེད་ཀྱི་མཛད་སྒོའི་ཐོག་སྐུ་མགྲོན་གཙོ་བོ་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་གིས།  བཙན་བྱོལ་བོད་མིའི་ཤེས་ཡོན་ལྷན་ཚོགས་དེ་ཉིད་ད་ལྟའི་གནས་སྟངས་དང་མཐུན་པར་བྱེད་དེ་རང་སྐྱོང་གི་ངོ་བོ་ཞིག་ཏུ་བསྒྱུར་དགོས་མེད་ཐད་སྐྱོན་དང་ཕན་ཡོན་ཇི་ཡོད་སྐོར་དགོངས་བཞེས་གནང་དགོས་གལ་དང་།  ད་ལྟའི་སྤྱི་ཚོགས་ཁྲོད་ཀྱི་འགྱུར་བ་དང་མི་འབོར་སྤོ་ཤུགས་སོགས་ཀྱི་རྒྱུ་མཚན་གྱིས་བོད་པའི་སློབ་གྲྭ་ཁག་གི་ནང་སློབ་ཕྲུག་གི་གྲངས་འབོར་ཉུང་དུ་འགྲོ་བཞིན་པའི་དངོས་ཡོད་གནས་སྟངས་གཞི་ལ་བཞག་ནས་དགོངས་པ་བཞེས་དགོས་པ་མ་ཟད།  ཕྱི་རྒྱལ་ཡུལ་གྲུ་ཁག་ཏུ་ཡོད་པའི་བོད་པའི་སློབ་གྲྭའི་གནས་སྟངས་དང་འབྲེལ་ནས་སློབ་གྲྭ་དེ་དག་གི་ནང་ཤེས་ཡོན་སློབ་ཁྲིད་ཀྱི་ཐབས་ལམ་གསར་པ་འཚོལ་དགོས་གལ་སྐོར་དང་།  […] The post བཙན་བྱོལ་བོད་མིའི་ཤེས་ཡོན་ལྷན་ཚོགས་དང་ཤེས་ཡོན་སློབ་སྟོན་ཚོགས་ཆུང་གཅིག་ལྕོགས་ཀྱི་ལྷན་ཚོགས་ཐེངས་བཅུ་བཞི་པ། appeared first on vot .

  ListenShow Notes
• 

  Voice of Tibet

  རྒྱ་གར་གཞུང་གིས་རྒྱ་ནག་གི་ BRICS ལྷན་ཚོགས་ནང་གི་ཤུགས་རྐྱེན་ཐོག་དོ་སྣང་གནང་དགོས་གལ་ཡིན་པ་གསུངས་འདུག

  Sep 29, 2026—

  བོད་མིའི་སྒྲིག་འཛུགས་ཀྱི་སྲིད་ཟུར་བློ་བཟང་སེང་གེ་མཆོག་གིས་རྒྱ་གར་གཞུང་གིས་རྒྱ་ནག་གི་ BRICS ཞེས་གོ་ལའི་ལྷོ་ཕྱོགས་མཉམ་སྦྲེལ་ལྷན་ཚོགས་ནང་གི་ཤུགས་རྐྱེན་ཇེ་ཆེར་འགྲོ་བཞིན་པར་ཐུགས་སྣང་དགོས་གལ་དང་འབྲེལ། BRICS ནང་དབང་ཤུགས་ཇེ་ཆེར་གཏོང་བ་དེས་ལྷན་ཚོགས་རྒྱལ་ཁབ་ཁག་རྒྱ་ནག་གི་ཕྱོགས་སུ་འགྲོ་ཉེན་ཡིན་པས། རྒྱ་གར་གྱིས་འཛམ་གླིང་ལྷོ་ཕྱོགས་ཀྱི་འགོ་ཁྲིད་ནུས་པ་མུ་མཐུད་དུ་སྲ་བརྟན་དགོས་སྐོར་ཙམ་མ་ཟད། རྒྱ་ནག་དང་འབྲེལ་བ་གནང་སྐབས་ཡིད་གཟབ་གནང་དགོས་གལ་ཡིན་པ་གསུངས་འདུག དེ་ཡང་ཁ་སང་ Dainik Tribune གསར་ཁང་གིས་སྲིད་ཟུར་བློ་བཟང་སེང་གེ་མཆོག་རྒྱ་གར་གྱི་རྒྱལ་ས་ལྡི་ལིར་ཕེབས་ཡོད་པ་དང་བསྟུན། སྲིད་ཟུར་མཆོག་ལ་ཉེ་ལམ་ཁུལ་དེར་འཚོགས་པའི་ BRICS ལྷན་ཚོགས་དང་འབྲེལ་ནས་རྒྱ་དཀར་ནག་གཉིས་ཀྱི་འགོ་ཁྲིད་ཐུག་འཕྲད་གཙོས་ཕྱོགས་གཉིས་ཀྱི་འབྲེལ་བ་སླར་གསོ་བྱ་རྒྱུའི་འབད་བརྩོན་དེས་བོད་ལ་ཁེ་དང་གྱོང་གུད་ཇི་བྱུང་སྐོར་བཅར་འདྲི་ཞུས་པའི་ཁྲོད། སྲིད་ཟུར་བློ་བཟང་སེང་གེ་མཆོག་གིས་རྒྱ་དཀར་ནག་གཉིས་ཀྱི་འབྲེལ་བ་སླར་གསོ་དང་འབྲེལ། ཉེ་ལམ་ BRICS ལྷན་ཚོགས་དང་བསྟུན་ཟླ་བ་འདིའི་ཕྱི་ཚེས་ ༡༢ ཉིན་རྒྱ་དཀར་ནག་གཉིས་ཀྱི་འགོ་ཁྲིད་བར་ཐུག་འཕྲད་ཀྱིས་ཕན་ཚུན་ལ་བརྩི་འཇོག་དང་བསམ་ཤེས་ཀྱི་རྣམ་འགྱུར་བསྟན་ནས་ཞི་བདེ་དང་བརྟན་བརླིང་གི་འབྲེལ་ལམ་ཞིག་འཚོལ་སྒྲུབ་བྱེད་རྒྱུའི་མོས་མཐུན་བྱུང་ཡོད་ཀྱང་། རྒྱ་གར་གཞུང་གིས་རྒྱ་དཀར་ནག་གཉིས་ཀྱི་ཕྱི་ལོ་ ༡༩༦༢ ཀྱི་དོན་རྐྱེན་གཙོས་འཕགས་བོད་ས་མཚམས་ Doklam དང་ Galwan སོགས་ཀྱི་གདོང་ཐུག །དེ་བཞིན་རྒྱ་གཞུང་གིས་ཨ་རུ་ན་ཅཱལ་གྱི་ས་ཚིགས་མིང་སྒྱུར་བྱས་པ་སོགས་ལུང་འདྲེན་དང་སྦྲགས། རྒྱ་གར་གཞུང་ནས་རྒྱ་ནག་དང་འབྲེལ་བ་གནང་སྐབས་ཡིད་གཟབ་གནང་དགོས་གལ་ཡིན་པ་གསུངས་འདུག མ་ཟད། དེང་སྐབས་རྒྱ་ནག་གིས་ BRICS གོ་ལའི་ལྷོ་ཕྱོགས་མཉམ་སྦྲེལ་ལྷན་ཚོགས་ནང་དབང་ཆ་རྒྱ་སྐྱེད་གཏོང་བཞིན་པ་དེས་ལྷན་ཚོགས་རྒྱལ་ཁབ་ཁག་རྒྱ་ནག་གི་ཕྱོགས་སུ་འགྲོ་ཉེན་ཡིན་པས། རྒྱ་གར་གྱིས་དེ་འབྲེལ་ཐུགས་སྣང་དགོས་གལ་ཐོག །འཛམ་གླིང་ལྷོ་ཕྱོགས་ཀྱི་འགོ་ཁྲིད་ནུས་པ་མུ་མཐུད་དུ་སྲ་བརྟན་དགོས་སྐོར་དང་ཆབས་ཅིག  །ལྷག་པར་རྒྱ་གར་གྱིས་རྒྱ་ནག་ལ་ཚོང་ལས་དང་དཔལ་འབྱོར་གྱི་རྟེན་ཚད་དེ་བཞིན་ཉུང་འཕྲི་དགོས་པའི་ཐོག །མཁོ་གལ་ཆེ་བའི་དངོས་ཟོག་རྒྱ་གར་རང་གིས་བཟོ་སྐྲུན་བྱ་ཐབས་གནང་དགོས་གལ་ཡིན་པ་གསུངས་འདུག སྲིད་ཟུར་མཆོག་གིས་ད་དུང་ཉེ་ལམ་བལ་བོད་ས་མཚམས་སུ་ཆུ་ལོག་གི་གོད་ཆགས་དང་འབྲེལ་བའི་གནས་ཚུལ་དང་འབྲེལ། རྒྱ་ནག་གཞུང་གིས་བལ་བོད་ས་མཚམས་སུ་བྱུང་བའི་ཆུ་ལོག་གོད་ཆགས་ནང་བོད་སྐྱིད་གྲོང་ཁུལ་དུ་མི་ཤི་རྐྱེན་འདས་ཀྱི་ཆག་སྒོ་བྱུང་བའི་གནས་ཚུལ་སྦས་གསང་ཆེན་པོ་བྱས་ཡོད་པ་དང་། ལྷག་པར་རྒྱལ་སྤྱིའི་ཁོར་ཡུག་ཉམས་ཞིབ་པ་གཙོས་རྒྱལ་སྤྱིའི་རང་དབང་ལྡན་པའི་གསར་ཁང་ཁག་ལ་དེ་དོན་གནས་ཚུལ་མཁོ་སྒྲུབ་བྱེད་བཅུག་མེད་པའི་གནད་དོན་གསལ་སྟོན་དང་སྦྲགས། རྒྱ་གར་གཞུང་ངོས་ནས་དེ་ལྟ་བུའི་ཆུ་ལོག་གི་རྐྱེན་ངོ་མ་གསལ་བོ་ཤེས་ཆེད་རྒྱ་གཞུང་གིས་བོད་ཁུལ་དུ་ཆུ་མཛོད་དང་གང་བྱུང་གཏེར་ཁ་སྔོག་འདོན་སོགས་ཀྱི་ལས་གཞིས་ཁོར་ཡུག་ལ་ཤུགས་རྐྱེན་ཇི་ཐེབས་སྐོར་རྟོག་ཞིབ་གནང་དགོས་གལ་ཡིན་པ་གསུངས་འདུག་ལ། བོད་མཐོ་སྒང་ལ་ཨེ་ཤེ་ཡའི་ཆུ་མཛོད་ཅེས་གསུང་དོན་ཡོད་པ་བཞིན་རྒྱ་གར་དང་། བལ་ཡུལ། འབྲུག་ཡུལ། བང་ལ་དེ་ཤི་སོགས་ཀྱིས་རྒྱ་གཞུང་གིས་བོད་ཀྱི་ཆུ་བོ་དེ་དག་གང་བྱུང་ཁ་ཕྱོགས་བསྒྱུར་བཞིན་པར་མཉམ་ལས་ཀྱིས་གདོང་ལེན་གནང་དགོས་པ་གསུངས་འདུག ཕྱོགས་མཚུངས་སྲིད་ཟུར་མཆོག་གིས་རྒྱ་ནག་གཞུང་གིས་འདས་པའི་ལོའི་ནང་དངོས་ཤུགས་བརྒྱུད་གསུམ་ནས་༸སྐུའི་ཡང་སྲིད་ཐོག་བདག་དབང་རྩོད་བཞིན་པ་གསལ་སྟོན་དང་སྦྲགས། ༸གོང་ས་སྐུ་ཕྲེང་བཅུ་བཞི་པ་ཆེན་པོ་མཆོག་གི་༸སྐུའི་ཡང་སྲིད་ཕེབས་ཕྱོགས་དང་འབྲེལ་བའི་གནད་དོན་ཐད་མགོན་པོ་༸གང་ཉིད་༸སྐུ་སྒེར་གྱི་བཀའ་དགོངས་ལམ་སྟོན་དང་། དགའ་ལྡན་ཕོ་བྲང་གི་ཡིག་ཚང་ནས་ཐུགས་ཐག་གང་བཅད་གནང་བ་དེ་ལས་གཞན་རྒྱ་གཞུང་གཙོ་བོར་བྱས་པའི་ཐེ་བྱུས་བྱེད་མཁན་རྣམས་ལ་༸མགོན་པོ་མཆོག་གི་དད་ལྡན་པ་ཚོས་ངོས་ལེན་རྩ་བ་ནས་མེད་པ་གསལ་པོ་རེད་ཅེས་གསུངས་འདུག མ་ཟད། ཨ་རི་གཞུང་གིས་༸སྐུའི་ཡང་སྲིད་ཐོག་བཞེངས་ཕྱོགས་གསལ་པོ་ཡོད་པ་ལྟར་རྒྱ་གར་གཞུང་ནས་ཀྱང་འཕགས་བོད་གཉིས་ཀྱི་ལོ་ངོ་ ༥༠༠༠ ལྷག་ཡོད་པའི་ཆོས་ཡོན་གྱི་འབྲེལ་བ་ངོས་འཛིན་པའི་ཐོག་ནས་དེ་མཚུངས་ཀྱི་བཞེངས་ཕྱོགས་ཟིན་དགོས་གལ་ཡིན་པ་མ་ཟད། ད་བར་རྒྱ་གར་གཞུང་མང་གཉིས་ནས་བོད་དོན་ཐོག་རྒྱབ་སྐྱོར་ལྷད་མེད་གནང་ཡོད་སྟབས། མ་འོངས་པའི་ལོའི་ནང་དེ་ལྟར་བོད་དོན་ཐད་འགན་ཆེན་པོ་འཁུར་རྒྱུའི་ཡིད་ཆེས་ཡོད་ཅེས་གསུངས་འདུག The post རྒྱ་གར་གཞུང་གིས་རྒྱ་ནག་གི་ BRICS ལྷན་ཚོགས་ནང་གི་ཤུགས་རྐྱེན་ཐོག་དོ་སྣང་གནང་དགོས་གལ་ཡིན་པ་གསུངས་འདུག appeared first on vot .

  ListenShow Notes

Recent guests on Voice of Tibet. Study who booked and why before you pitch.

Based on semantic analysis of episode topics and host coverage, this show is a strong guest fit for executives in:

Industry fit is computed by PitchCentric using vector embeddings of the show's episode catalog.