Voice of Tibet

Voice of Tibet’s main objectives are to provide a channel for unbiased information and news to the Tibetans living under Chinese oppression in Tibet, to help preserve the threatened Tibetan culture, to educate the Tibetans in internationally acknowledged human rights, to inform about democracy and the democratic institutions of the Tibetan exile community, and to help prevent conflicts and discrimination. Another main objective is to improve communications within as well as between the Tibetan exile communities.

Voice of Tibet is a news podcast hosted by Unknown Host, with 10 episodes on record and a Required Pod Score of 80. PitchCentric scores this show on Booking Probability, Listen Score, and live audience signals refreshed every 24 hours.

Unknown Host hosts Voice of Tibet, a news show with 10 episodes published.

Our AI reads these to draft pitches. Use them as grounding for a pitch that cites a real guest and a specific topic.

• 

  Voice of Tibet

  བོད་ཀྱི་གཞོན་ནུ་ལྷན་ཚོགས་ཀྱི་བྱང་ཨ་རིའི་འགན་འཛིན་ལྷན་ཚོགས་ཐེངས་ ༢༢ བསྐོང་ཚོགས།

  Aug 17, 2026—

  བོད་ཀྱི་གཞོན་ནུ་ལྷན་ཚོགས་ཀྱི་བྱང་ཨ་རིའི་འགན་འཛིན་ལྷན་ཚོགས་ཐེངས་ ༢༢ ཐོག་དཔའ་བོ་བློ་དགའ་རང་བཙན་དམ་པ་དེ་ཉིད་ལ་རྒྱལ་གཅེས་དཔའ་བོའི་གཟེངས་རྟགས་ཀྱི་ཆེ་བསྟོད་གནང་འདུག་པ་མ་ཟད། དཔའ་བོ་ཁོང་གིས་ཕྱི་ཟླ་ ༧ ཚེས་ ༢ ཉིན་བོད་རྒྱལ་ཁབ་དང་མི་རིགས། རང་བཙན་སླར་གསོའི་ཆེད་དུ་རང་ལུས་མེར་བསྲེགས་ཀྱིས་རང་སྲོག་བློས་བཏང་གནང་བའི་རྗེས་དྲན་སླད་དུ་ཉིན་དེར་གཏན་འབེབས་ལས་འགུལ་སྤེལ་རྒྱུ་ཡིན་པའི་གྲོས་ཆོད་སོགས་གཏན་འབེབས་གནང་འདུག དེ་ཡང་སྐབས་ ༡༩ པའི་ནིའུ་ཡོག་ནིའུ་ཇར་སི་ས་གནས་བོད་ཀྱི་གཞོན་ནུ་ལྷན་ཚོགས་ཀྱི་གོ་སྒྲིག་འོག ཕྱི་ཟླ་ ༨ ཚེས་ ༡༤ ནས་ ༡༦ བར་ཉིན་གྲངས་གསུམ་རིང་བོད་ཀྱི་གཞོན་ནུ་ལྷན་ཚོགས་ཀྱི་བྱང་ཨ་རིའི་འགན་འཛིན་ལྷན་ཚོགས་ཐེངས་ ༢༢ པ་དེ་ནུའུ་ཡོག་ཆོས་ཀྱི་ཁང་པར་ཚོགས་འདུག་པ་དང་། ཚོགས་འདུའི་ཐོག་གྲོས་གཞི་ཁག་དགུ་ལ་གྲོས་ཆོད་ ༡༥ ལྷག་གཏན་འབེབས་གནང་འདུག འདི་ག་རླུང་འཕྲིན་ཁང་ནས་བོད་ཀྱི་གཞོན་ནུ་ལྷན་ཚོགས་ཀྱི་སྤྱི་ཁྱབ་ཚོགས་གཙོ་ཚེ་རིང་ཆོས་འཕེལ་ལགས་སུ་བཀའ་འདྲི་ཞུས་སྐབས་ཁོང་གིས། རྩ་བའི་ད་རེས་བོད་ཀྱི་གཞོན་ནུ་ལྷན་ཚོགས་ཀྱི་བྱང་ཨ་རིའི་འགན་འཛིན་ལྷན་ཚོགས་དེ་ཉིད་ཐོག་མ་ཁེ་ན་ཌར་ཚོགས་གཏན་འཁེལ་ཡོད་ཀྱང་། ཉེ་བའི་ཆར་བོད་རྒྱལ་ཁབ་དང་མི་རིགས། རང་བཙན་སླར་གསོ་ཆེད་དུ་རྒྱལ་གཅེས་དཔའ་བོ་བློ་དགའ་རང་བཙན་ལགས་ཀྱིས་རང་ལུས་མེར་བསྲེགས་བཏང་སྟེ་རང་སྲོག་བློས་བཏང་གནང་བའི་གནས་ཚུལ་བྱུང་རྗེས། སྐབས་དེ་དུས་ཛ་དྲག་གི་གནས་སྟངས་གཞིར་བཞག་གི་ཐོག་ནས། ནིའུ་ཡོག་ནིའུ་ཇར་སི་ས་གནས་བོད་ཀྱི་གཞོན་ནུ་ལྷན་ཚོགས་ཀྱི་རྒྱུན་ལས་དང་། དབུས་དང་ས་གནས་རྒྱུན་ཟུར། ཚོགས་མི་བཅས་ཛ་དྲག་ཚོགས་འདུ་བསྐོང་ཚོགས་གནང་སྟེ། དབུས་སྤྱི་ཁྱབ་རྒྱུན་ལས་ཁང་ལ་ད་རེས་འགན་འཛིན་ལྷན་ཚོགས་འདི་བཞིན་ངེས་པར་དུ་ནིའུ་ཡོག་ཏུ་བསྐོང་ཚོགས་གནང་དགོས་པའི་འབོད་སྐུལ་ཞུ་དོན་ལྟར། དབུས་སྤྱི་ཁྱབ་རྒྱུན་ལས་ཁང་ནས་ཊོ་རོན་ཊོ་ས་གནས་བོད་ཀྱི་གཞོན་ནུ་ལྷན་ཚོགས་ལ་འབྲེལ་བ་གནང་རྗེས། མཐའ་མའི་ཐག་གཅོད་དེ་ནིའུ་ཡོག་ཏུ་ཚོགས་ཡོད་འགྲེལ་བརྗོད་གནང་སོང་། ད་དུང་ད་རེས་འགན་འཛིན་ལྷན་ཚོགས་དེའི་ཐོག་གྲོས་གཞི་དོན་ཚན་དགུ་ལ་གྲོས་ཆོད་ཁག་ ༡༥ ལྷག་གཏན་འབེབས་གནང་ཡོད་ཅིང་། དེའི་ནང་༸རྒྱལ་བའི་སྐུ་ཕྱྭ་དང་། བོད་མི་གཞོན་སྐྱེས་རྣམས་ལ་བོད་རྒྱལ་ཁབ་དང་མི་རིགས་ལ་རྒྱལ་ཞེན་དང་འཐབ་རྩོད་ཀྱི་བསམ་བློ་བསྐྲུན་རྒྱུ་སོགས་ཚུད་ཡོད་དང་། ལྷག་པར་དུ་ཕྱི་ཟླ་ ༧ ཚེས་ ༢ ཉིན་མོ་འདི་བཞིན་རྒྱལ་གཅེས་དཔའ་བོ་བློ་དགའ་རང་བཙན་ལགས་རྗེས་དྲན་དང་གདུང་སེམས་མཉམ་བསྐྱེད་ཀྱི་ཉིན་མོར་གཏན་འབེབས་ལས་འགུལ་སྤེལ་རྒྱུ་གཏན་འབེབས་གནང་ཡོད་པ་འགྲེལ་བརྗོད་གནང་སོང་། མ་ཟད་ཚོགས་འདུའི་དབུ་འབྱེད་མཛད་སྒོའི་ཐོག་བོད་ཀྱི་གཞོན་ནུ་ལྷན་ཚོགས་ངོས་ནས་དཔའ་བོ་ཁོང་གི་བློས་བཏང་ལ་ཆེ་བསྟོད་མཚོན་ཆེད་རྒྱལ་གཅེས་དཔའ་བོའི་གཟེངས་རྟགས་དེ་ཉིད་དཔའ་བོ་ཁོང་གི་ནང་མིར་འབུལ་བཞེས་གནང་ཡོད་པ་འགྲེལ་བརྗོད་གནང་སོང་། གཞན་ཡང་དེ་རིང་ཚེས་ ༡༧ ཉིན་བྱང་ཨི་རིར་གནས་བཞུགས་བོད་ཀྱི་གཞོན་ནུ་ལྷན་ཚོགས་ཀྱི་དབུས་དང་ས་གནས་རྒྱུན་ལས་ཟུར་པ་དང་ལས་ཐོག ཚོགས་མི་བཅས་ཚང་འཛོམས་ཀྱིས་དམིགས་བསལ་ལྷན་ཚོགས་བསྐོང་ཚོགས་གནང་རྒྱུ་ཡིན་ཞིང་། དེའི་ནང་གཙོ་བོ་བོད་ཀྱི་གཞོན་ནུ་ལྷན་ཚོགས་ཀྱི་ལས་དོན་བྱེད་ཕྱོགས་དང་། མ་འོངས་བོད་རྒྱལ་ཁབ་ཀྱི་རང་བཙན་སླར་གསོའི་ཆེད་དུ་ལས་འགུལ་དང་ལས་གཞི་ཇི་ལྟར་རྒྱ་སྐྱེད་གཏང་དགོས་པའི་ཐོག་ལ་གོ་བསྡུར་ཞུ་རྒྱུ་ཡིན་པ་རེད་འདུག རྩ་བའི་བོད་ཀྱི་གཞོན་ནུ་ལྷན་ཚོགས་ཀྱི་བྱང་ཨ་རིའི་འགན་འཛིན་ལྷན་ཚོགས་ཐེངས་ ༢༢ པའི་དབུ་འབྱེད་མཛད་སྒོའི་ཐོག་སྐུ་མགྲོན་གཙོ་བོར་སྲིད་ཟུར་བློ་བཟང་སེང་གེ་ལགས་ཀྱིས་དབུས་པའི་པའི་དམིགས་བསལ་སྐུ་མགྲོན་སེར་བྱེས་ནང་པའི་རིག་གཞུང་ལྟེ་གནང་ཁང་གི་དབུ་འཛིན་ཆོས་འཁོར་རིན་པོ་ཆེ། […] The post བོད་ཀྱི་གཞོན་ནུ་ལྷན་ཚོགས་ཀྱི་བྱང་ཨ་རིའི་འགན་འཛིན་ལྷན་ཚོགས་ཐེངས་ ༢༢ བསྐོང་ཚོགས། appeared first on vot .

  ListenShow Notes
• 

  Voice of Tibet

  བོད་མིའི་སྒྲིག་འཛུགས་ཀྱིས་རྒྱ་གར་རང་བཙན་ཐོབ་ནས་མི་ལོ་ ༨༠ འཁོར་བའི་ཉིན་མོ་སྲུང་བརྩི།

  Aug 15, 2026—

  དེ་རིང་ཕྱི་ཟླ་ ༨ ཚེས་ ༡༥ སྟེ་རྒྱ་གར་རང་བཙན་ཐོབ་ནས་མི་ལོ་ ༨༠ འཁོར་བ་དང་བསྟུན། བོད་མིའི་སྒྲིག་འཛུགས་ངོས་ནས་རྒྱ་གར་གནས་ཡུལ་རྒྱལ་ཁབ་ལ་བཀའ་དྲིན་བསམ་ཤེས་དང་ཆེ་མཐོང་མཚོན་ཆེད་ཉིན་མོ་དེ་སྲུང་བརྩི་གཟབ་རྒྱས་ཞུས་སོང་བ་དང། སྐབས་དེར་སྲིད་སྐྱོང་མཆོག་གིས་རྒྱ་གར་འདི་བཞིན་ལོ་བརྒྱ་ཕྲག་གཉིས་ཙམ་གྱི་རྗེས་སུ་དབྱིན་ཇིའི་འོག་ནས་རང་བཙན་ཐོབ་ཡོད་པས་རྒྱ་གར་གཞུང་མང་གཉིས་ནས་རང་དབང་ཡོད་པ་དེ་དག་གང་ཐུབ་སྲུང་སྐྱོང་གནང་དགོས་པ་གསུངས་སོང་། དེ་ཡང་བཞུགས་སྒར་ཁུལ་དུ་རྟེན་གཞི་བྱས་པའི་དབུས་བོད་མིའི་སྒྲིག་འཛུགས་ཀྱི་བཀའ་ཤག་གི་མདུན་ཐང་དུ་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་གིས་དབུས་པའི་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་སྒྲོལ་མ་ཚེ་རིང་མཆོག བཀའ་བློན་རྣམ་པ། ལྷན་ཁང་ཁག་གི་དྲུང་ཆེ་རྣམ་པ་དང་ལས་བྱེད་བཅས་ཚང་འཛོམས་ཐོག རྒྱ་གར་གྱི་རྒྱལ་གླུ་དབྱངས་སུ་གྱེར་བ་དང་སྲིད་སྐྱོང་མཆོག་གིས་རྒྱ་གར་གྱི་རྒྱལ་དར་མཁའ་དབྱིངས་སུ་བསྒྲེངས་བ། དེ་བཞིན་མངར་ཟས་བགོ་འགྲེམས་གནང་སྟེ་ཉིན་མོ་འདི་ཉིད་སྲུང་བརྩི་ཞུས་སོང་། སྐབས་དེར་སྲིད་སྐྱོང་སྤེན་པ་ཚེ་རིང་མཆོག་གིས་རྒྱ་གར་རང་བཙན་ཉིན་མོར་རྒྱ་གར་གཞུང་མང་ཡོངས་ལ་དགའ་བསུའི་འཚམས་འདྲི་ཞུས་པ་དང་འབྲེལ། རྒྱ་གར་གཞུང་མང་གཉིས་ནི་འདས་པའི་ལོ་ངོ་ ༧༠ ལྷག་གི་ནང་བོད་མི་རྣམས་ལ་བཀའ་དྲིན་ཆེན་པོ་ཆགས་ཡོད་སྟབས་སྙིང་ཐག་པ་ནས་ཐུགས་རྗེ་ཆེ་ཞེས་ཞུས་པ་མ་ཟད། ལྷག་དོན་རྒྱ་གར་འདི་བཞིན་ལོ་བརྒྱ་ཕྲག་གཉིས་ཙམ་གྱི་རྗེས་སུ་དབྱིན་ཇིའི་འོག་ནས་རང་བཙན་ཐོབ་ཡོད་སྟབས། ཉམས་མྱོང་འདིའི་འོག་ནས་བོད་མི་རྣམས་ནས་ཀྱང་འཚེ་མེད་ཞི་བའི་ཐབས་ལམ་དེ་རྒྱུན་སྲིང་གནང་ཐོག་འཐབ་རྩོད་གནང་རྒྱུ་ཡིན་པ་དང་ཆབས་ཅིག རྒྱ་གར་གཞུང་མང་གཉིས་ནས་ཀྱང་མི་རབས་མང་པོའི་བློས་བཏང་ལས་བྱུང་བའི་རང་དབང་དེ་ཉིད་གང་ཐུབ་སྲུང་སྐྱོབ་གནང་དགོས་གལ་ཡིན་པ་གསུངས་སོང་། མ་ཟད། ཉེ་ཆར་ཕྱི་ཟླ་ ༧ ཚེས་ ༢ ཉིན་ཨ་རིར་གནས་བཞུགས་རང་བཙན་འཐབ་རྩོད་པ་བློ་དགའ་རང་བཙན་ལགས་ཀྱིས་འཛམ་གླིང་མཉམ་འབྲེལ་རྒྱལ་ཚོགས་ཀྱི་མདུན་དུ་རྒྱ་ནག་གཞུང་གིས་བོད་ཐོག་འཛིན་པའི་དྲག་གནོན་ཅན་གྱི་སྲིད་བྱུས་དང་། ལྷག་པར་ཟླ་བ་ ༧ ཚེས་ ༡ ནས་རྒྱ་ནག་གཞུང་གིས་ལག་བསྟར་བྱེད་འགོ་བཙུགས་པའི་མི་རིགས་མཐུན་སྒྲིལ་གྱི་ཁྲིམས་ཡིག་ཟེར་བར་ངོ་རྒོལ་ཆེད་རང་ལུས་མེར་བསྲེགས་བཏང་ཡོད་པ་ཐེར་འདོན་དང་འབྲེལ། རྒྱ་གར་གཞུང་མང་གཉིས་ནས་བོད་དང་བོད་མིའི་ཐོག་རྒྱབ་སྐྱོར་དང་མཐུན་འགྱུར་མུ་མཐུད་གནང་སྐྱོང་ཡོང་བའི་འབོད་སྐུལ་གནང་སོང་། རྩ་བའི་དེ་རིང་གི་ཉིན་མོ་འདི་དང་བསྟུན་བཞུགས་སྒར་དྷ་རམ་ས་ལའི་ནང་ས་གནས་འགོ་འཛིན་ཀྱི་སྣེ་ཁྲིད་འོག་མང་ཚོགས་ལ་མངར་བཟས་བགོ་འགྲེམས་དང་།གཞན་ཡང་རྒྱ་གར་གྱི་ས་གནས་འདྲ་མིན་ནང་ཡོད་པའི་བོད་པའི་སློབ་གྲྭ་ཁག་དང་གཞུང་དང་གཞུང་འབྲེལ་མ་ཡིན་པའི་ཚོགས་སྐྱིད་ཁག་ནས་ཀྱང་རྒྱ་གར་གཞུང་མང་གཉིས་ལ་དགའ་བསུའི་འཚམས་འདྲི་དང་བཀའ་དྲིན་རྗེས་དྲན་ཞུ་རྒྱུའི་གནང་སྒོ་སྣ་མང་སྤེལ་ནས་ཉིན་མོ་འདི་བཞིན་སྲུང་བརྩི་གཟབ་རྒྱས་ཞུ་མུས་ཡིན་པ་དང་། རྒྱ་གར་གྱིས་གཙོས་པའི་འཛམ་གླིང་ས་ཕྱོགས་གང་སར་གནས་པའི་བོད་མི་ཚོས་ངོ་དེབ་ལ་སོགས་པའི་སྤྱི་ཚོགས་དྲྭ་ལམ་ཐོག་ཏུ་རྒྱ་གར་གྱི་མཚོན་དོན་གསུམ་ཅན་གྱི་རྒྱལ་དར་གྱི་པར་བཞག་སྟེ་རྒྱ་གར་གཞུང་མང་གཉིས་ལ་འཚམས་འདྲི་ཞུས་ཡོད་པ་མངོན་རྒྱུ་འདུག The post བོད་མིའི་སྒྲིག་འཛུགས་ཀྱིས་རྒྱ་གར་རང་བཙན་ཐོབ་ནས་མི་ལོ་ ༨༠ འཁོར་བའི་ཉིན་མོ་སྲུང་བརྩི། appeared first on vot .

  ListenShow Notes
• 

  Voice of Tibet

  བོད་མིའི་རྒན་རབས་རྣམས་ཀྱིས་ཆོལ་ཁ་ཆོས་ལུགས་འཐེན་འཁྱེར་བྱས་པར་བོད་མི་གཞོན་སྐྱེས་རྣམས་ངོ་གནོངས་དགོས་བྱུང་བ་གསུངས་སོང་།

  Aug 14, 2026—

  རྒྱལ་གཅེས་དཔའ་བོ་བློ་དགའ་རང་བཙན་ལགས་ཀྱི་བློས་བཏང་ལ་རྗེས་དྲན་ཞུ་ཆེད། རྒྱལ་སྤྱིའི་ཁྱོན་ཡོངས་ནང་བཙན་བྱོལ་བོད་མི་འདུ་སྡོད་གང་སར་ལས་འགུལ་སྤེལ་མུས་ཁྲོད། ཁ་སང་ཨ་རིའི་ནང་རྒྱལ་ཚོགས་མདུན་དུ་བོད་མི་གཞོན་སྐྱེས་ཁོ་ནས་ངོ་རྒོལ་སྐད་འབོད་ཀྱི་ལས་འགུལ་ཞིག་གོ་སྒྲིག་གནང་བ་དང་འབྲེལ། རྒྱལ་གཅེས་དཔའ་བོ་ཁོང་གི་ཞལ་འཆེམས་དང་། བོད་རང་བཙན་འཐབ་རྩོད་མདུན་བསྐྱོད་གནང་དགོས་གལ་སོགས་ཀྱིས་གཏམ་བཤད་གནང་འདུག དེ་ཡང་ཁ་སང་ཨ་རིའི་ནང་ནིའུ་ཡོག་ནིའུ་འཇར་སི་ས་གནས་གཞོན་ནུ་ལྷན་ཚོགས་ཀྱིས་གོ་སྒྲིག་གནང་བའི་ལས་འགུལ་དེའི་ཐོག བོད་མི་གཞོན་སྐྱེས་རྣམས་ཀྱིས་སེམས་ཚོར་ཆེན་པོས་ལུས་ལ་བོད་མིའི་ཐུན་མོང་མ་ཡིན་པའི་བོད་ཆས་བསྣམས་པ་དང་། ལག་ཏུ་བོད་ཀྱི་རྒྱལ་དར་དང་། བོད་རང་བཙན་རྒྱལ་གྱུར་ཅིག་ཅེས་པའི་འཕྲེད་དར་སོགས་བསྣམས་ནས་ངོ་རྒོལ་སྐད་འབོད་གནང་བ་དང་།  སྐབས་དེར་གཞོན་སྐྱེས་བསྟན་འཛིན་དབང་རྒྱལ་ཞུས་པ་ཞིག་གིས་རྒྱལ་གཅེས་དཔའ་བའི་ཞལ་འཆེམས་ལ་གུས་བརྩི་དང་འབྲེལ་བོད་མི་རྒན་རབས་རྣམས་ཀྱིས་ད་བར་ཆོལ་ཁ་ཆོས་ལུགས་འཐེན་འཁྱེར་བྱས་པར་གཞོན་སྐྱེས་རྣམས་ལ་ངོ་གནོངས་བཅུག་གི་ཡོད་ཅིང་། ཆོལ་ཁ་ཆོས་ལུགས་ལ་དབྱེ་འབྱེད་ཁོ་ན་བྱས་ཏེ་མ་བཞུགས་པར་བོད་མི་ནང་ཁུལ་རྡོག་རྩ་ཆིག་སྒྲིལ་གནང་རྒྱུ་ནི་ཧ་ཅང་གལ་ཆེན་ཡིན་པ་མ་ཟད། ད་ཆ་བོད་རང་བཙན་ཆེད་དུ་འཐབ་རྩོད་སྔར་ལྷག་གནང་དགོས་གལ་ཡིན་པ་ནན་བཤད་གནང་སོང་། གཞན་ཡང་ཆུང་དུས་ནས་བློ་དགའ་རང་བཙན་ལགས་དང་ལྷན་དུ་འཚར་ལོངས་བྱུང་མཁན་གཞོན་སྐྱེས་བསྟན་འཛིན་བཀྲ་ཤིས་ལགས་ཞུ་བ་ཞིག་གིས། སེམས་ཚོར་ཆེན་པོས་དཔའ་བོ་ཁོང་གི་དཔའ་བློ་དང་བློས་བཏང་ལ་རྗེས་དྲན་ཞུས་པ་དང་ཆབས་ཅིག རྒྱལ་གཅེས་པ་ཁོང་ནི་བཀྲ་ཤིས་ལགས་ཀྱི་མི་ཚེ་ནང་བག་ཆགས་ཆེ་ཤོས་ལྡན་པའི་གང་ཟག་ཞིག་ཡིན་པ་འགྲེལ་བརྗོད་གནང་འདུག ཁུལ་དེར་ཁྲིམས་རྩོད་པའི་ཕྱག་ལས་གནང་བཞིན་པ་དཀོན་མཆོག་སྒྲོལ་མ་ལགས་ཀྱིས། བོད་མི་རྣམས་ཀྱིས་རྒྱལ་ཚོགས་ལ་རེ་བ་ཇི་ཙམ་འཆོལ་བཞིན་པ་དྲན་སྐུལ་དང་སྦྲགས། འཛམ་གླིང་མཉམ་འབྲེལ་རྒྱལ་ཚོགས་ནི་རྒྱལ་ཁབ་སྤྱི་ལ་གཟིགས་རྟོག་གནང་མཁན་གྱི་ལས་ཁུངས་ཤིག་ཡིན་པ་སོགས་གསུངས་སོང་། དེ་བཞིན་གཞན་གཞོན་སྐྱེས་ཁག་གཅིག་གིས་བོད་རྩ་དོན་སླད་གཞོན་སྐྱེས་ཚོར་འགན་འཕར་མ་ཡོད་པ་ནན་བཤད་ཀྱིས། དེང་གི་གཞོན་སྐྱེས་ཚོར་རྒྱལ་ཁབ་འདྲ་མིན་གྱི་མི་སེར་ཐོབ་ཐང་ཡོད་སྟབས། གོ་སྐབས་དེ་ལྟར་དམ་འཛིན་གནང་ནས་མི་རིགས་གཞན་རྣམས་ལ་བོད་ཀྱི་གནས་སྟངས་འགྲེལ་བཤད་སོགས་ཀྱིས། བོད་རང་དབང་དང་རང་བཙན་ཆེད་དུ་འཐབ་རྩོད་སྔར་ལྷག་གནང་དགོས་པ་གསུངས་སོང་། རྩ་བའི་བོད་རང་བཙན་ལས་འགུལ་བ་བློ་དགའ་རང་བཙན་ལགས་ཀྱི་བདུན་ཚིགས་དྲུག་པ་དང་སྟབས་བསྟུན། རྒྱ་གར་རྒྱལ་ནང་དུའང་ལས་འགུལ་འདྲ་མིན་སྤེལ་ཡོད་པ་ལྟར། ཁ་སང་ཚེས་ ༡༣ ཉིན་དབུས་ས་གཉིས་ཀྱི་བོད་ཀྱི་བུད་མེད་ལྷན་ཚོགས་དང་། ཆོལ་ཁ་གསུམ། རྒྱལ་སྤྱིའི་དབུ་མའི་ལམ་མི་མང་ལས་འགུལ་ཁང་བཅས་བཞུགས་སྒར་དུ་རྟེན་གཞི་བྱས་པའི་གཞུང་འབྲེལ་མ་ཡིན་པའི་ཚོགས་པ་ལྔའི་གོ་སྒྲིག་འོག བློ་དགའ་རང་བཙན་ལགས་ཀྱི་གནད་དོན་དང་། རྒྱ་ནག་གིས་བོད་ནང་འཛིན་པའི་སྲིད་བྱུས་སོགས་ལ་རྒྱལ་ཚོགས་ཀྱི་ངོས་ནས་ཡ་ལན་དང་རྒྱ་ནག་གཞུང་ལ་ཉེན་བརྡ་གཏོང་དགོས་པའི་རེ་འདུན་དོན་ཚན་ཁག་གཅིག་བཏོན་པའི་ཐོག་དྲག་ཆར་བབས་མིན་ལ་ལྟོས་མེད་བཞུགས་སྒར་མེ་གྷན་ཁྲོམ་གཞུང་དུ་མར་མེ་ཁྲོམ་སྐོར་གྱི་ཞི་བའི་ལས་འགུལ་ཞིག་སྤེལ་ཡོད་པ་རེད། གཞི་རྩའི་བློ་དགའ་རང་བཙན་ལགས་ཀྱིས་བོད་བསྟན་སྲིད་མི་རིགས་ཀྱི་ཆེད་དུ་སྐུ་ལུས་མེར་བསྲེགས་བཏང་བ་ནས་བཟུང་། ཨ་རི་གཙོས་པའི་འཛམ་གླིང་ཡུལ་གྲུ་གང་སར་བཞུགས་པའི་བཙན་བྱོལ་བོད་མི་དང་བོད་དོན་རྒྱབ་སྐྱོར་བ་ཡོངས་ནས་ཚོར་བ་རྣོ་བོའི་ཐོག མར་མེ་ཁྲོམ་སྐོར་དང་། ཞི་བའི་གོམ་བགྲོད། ཟས་བཅད་ངོ་རྒོལ། ཞུ་གཏུག་ལས་འགུལ་སོགས་རྣམ་པ་འདྲ་མིན་གྱི་ཐོག་ནས་ལས་འགུལ་སྤེལ་དང་སྤེལ་མུས་ཁྲོད། ད་ཆ་རྒྱལ་གཅེས་པ་དམ་པ་ཁོང་རང་ལུས་མེར་བསྲེགས་བཏང་ནས་ཞག་ ༤༩ སླེབས་ལ་ཉེ་སྟབས། བཀའ་སྤྱི་ཐུན་མོང་ནས་བཞུགས་སྒར་དུ་མཆོད་འབུལ་སྨོན་ལམ་དང་ཞི་བའི་གོམ་བགྲོད་ཀྱི་ལས་འགུལ་སྤེལ་གཏན་འཁེལ་ཡོད་པ་དང་། གཞན་ཡང་ཉིན་དེར་བོད་མི་འདུ་སྡོད་ས་གནས་ཡོངས་སུ་ལས་འགུལ་འདྲ་མིན་སྤེལ་འཆར་ཡོད་པ་རེད། The post བོད་མིའི་རྒན་རབས་རྣམས་ཀྱིས་ཆོལ་ཁ་ཆོས་ལུགས་འཐེན་འཁྱེར་བྱས་པར་བོད་མི་གཞོན་སྐྱེས་རྣམས་ངོ་གནོངས་དགོས་བྱུང་བ་གསུངས་སོང་། appeared first on vot .

  ListenShow Notes
• 

  Voice of Tibet

  རྒྱལ་ས་ལྡི་ལིར་བོད་མིའི་ཚོང་ལས་བདེ་ཚོགས་ཀྱི་ལོ་འཁོར་ཚོགས་ཆེན་འཚོགས་སོང་།

  Aug 14, 2026—

  དེ་རིང་འདི་ག་རྒྱ་གར་གྱི་རྒྱལ་ས་ལྡི་ལིའི་མདོ་ཁམས་ཆུ་བཞི་སྒང་དྲུག་གྱི་དཔའ་བོ་རྗེས་དྲན་གྱི་ཚོགས་ཁང་ནང་།   བོད་མིའི་ཚོང་ལས་བདེ་ཚོགས་ཀྱི་ལོ་འཁོར་ཚོགས་ཆེན་སྐབས་བཅུ་དགུ་པ་དེ་འཚོགས་སོང་བ་དང་། ཚོགས་པ་དེའི་ཚོགས་གཙོ་འཕྲིན་ལས་ནོར་བུ་ལགས་ཀྱིས་གསུང་དོན་བྱས་པ་ཡིན་ན།  ཉིན་གཅིག་རིང་གི་ཚོགས་འདུ་དེའི་སྐབས་འདས་པའི་ལོ་གཅིག་གི་ལས་བསྡོམས་དང་མ་འོངས་ལས་འཆར་སྤེལ་ཕྱོགས་ཙམ་མ་ཟད།  རྩིས་ཁྲ་ཞིབ་འཇུག་བཅས་གནང་རྒྱུའི་འགྲེལ་བརྗོད་དང་།   ལྷག་པར་བོད་མིའི་ཚོང་ལས་བདེ་ཚོགས་ངོས་ནས་གང་མགྱོགས་བོད་མིའི་ཚོང་པ་ཚོར་ཕན་ཚུན་འབྲེལ་ལམ་གྱི་འཁོར་ཡུག་བསྐྲུན་ཐབས་ཀྱི་ལས་ཁུངས་ཤིག་དང་།   རྒྱ་གར་གཞུང་ལ་ཚོང་འབྲེལ་བཅའ་ཁྲལ་འབུལ་ཕྱོགས་སོགས་ཀྱི་ལམ་སྟོན་མཐུན་འགྱུར་གནང་རྒྱུའི་འཆར་གཞི་ཡོད་སྐོར་སོགས་གསུང་གི་འདུག བོད་མིའི་ཚོང་ལས་བདེ་ཚོགས་ཀྱི་དེ་རིང་གི་ཚོགས་ཆེན་དེའི་སྐབས་རྒྱ་གར་རྒྱལ་ཡོངས་ནས་ཚོགས་མི་གྲངས་ ༥༠ ལྷག་ཙམ་ཞིག་ཕེབས་འདུག་པ་དང་།  ཚོགས་ཆེན་དེའི་སྐུ་མགྲོན་གྱི་གཙོ་བོར་བོད་མིའི་སྒྲིག་འཛུགས་ཀྱི་དཔལ་འབྱོར་བཀའ་ཟུར་བློ་བཟང་སྙན་གྲགས་མཆོག་དང་།     དམིགས་བསལ་སྐུ་མགྲོན་དུ་ལྡི་ལི་སྐུ་ཚབ་དོན་གཅོད་འཇིགས་མེད་ཚེ་རིང་ལགས་དང་།    ལྡི་ལིར་རྟེན་གཞི་བྱས་པའི་ཐེ་ཝན་ཚོགས་ལས་སྡེ་ཚོགས་ཀྱི་ཚོགས་གཙོ་སྐུ་ཞབས་ Jason Ho བཅས་པ་གདན་ཞུ་གནང་འདུག་པ་ལྟར།   ཚོགས་འདུའི་དབུ་འབྱེད་སྐབས་སྐུ་མགྲོན་གཙོ་བོ་མཆོག་ནས་ཚོགས་པ་ཞིག་གི་གལ་གནད་སྐོར་སོགས་འགྲེལ་བརྗོད་གནང་སྟེ།  བོད་མིའི་ཚོང་ལས་སྡེ་ཚོགས་ཀྱི་ངོས་ནས་ངེས་པར་དུ་མི་མང་གི་ཡིད་ཆེས་དང་གདེང་འཇོག་ཐོབ་རྒྱུ་དེ་གལ་གནད་ཤིན་ཏུ་ནས་ཆེན་པོ་ཡིན་པ་མ་ཟད།  ལྷག་པར་དུ་ཚོགས་པའི་ཚོགས་མི་ཚོའི་ངོས་ནས་རྒྱབ་སྐྱོར་དང་མཉམ་ལས་གནང་རྒྱུ་ཤིན་ཏུ་ནས་གལ་ཆེན་ཡིན་པའི་སྐོར་སོགས་གསུངས་གནང་སོང་།   སྐབས་དེར་ད་དུང་དམིགས་བསལ་སྐུ་མགྲོན་ལྡི་ལིའི་ནང་རྟེན་གཞི་བྱས་པའི་ཐེ་ཝན་ཚོགས་ལས་སྡེ་ཚོགས་ཀྱི་ཚོགས་གཙོ་ Jason Ho ལགས་ཀྱིས་ཁོ་པ་རང་ཉིད་བཞུགས་སྒར་རྡ་རམ་ས་ལར་ཆེད་བཅར་གྱིས་༸གོང་ས་༸སྐྱབས་མགོན་ཆེན་པོ་མཆོག་གི་དམིགས་བསལ་མཇལ་ཁ་ཞུ་མྱོང་ཡོད་པ་མ་ཟད།  བོད་མིའི་ཚོང་ལས་བདེ་ཚོགས་དང་ཐེ་ཝན་གྱི་ཚོང་ལས་སྡེ་ཚོགས་གཉིས་བར་མ་འོངས་པར་མཉམ་འབྲེལ་གྱི་ལས་དོན་སྤེལ་ཕྱོགས་སོགས་ཀྱི་ཐབས་ལམ་ཐོག་བསམ་ཞིབ་གནང་གི་ཡོད་སྐོར་སོགས་གསུངས་ཡོད། དབུ་འབྱེད་མཛད་སྒོ་དེའི་མཐའ་བསྡོམས་སུ་ད་དུང་།    བོད་མི་མང་སྤྱི་འཐུས་ཟུར་པ་དང་ཁང་བཀོད་བཟོ་བདག་བདེ་བ་ཚང་རྡོ་རྗེ་ལགས་ཀྱིས་བོད་མིའི་སྒྲིག་འཛུགས་ནང་སྲིད་ལས་ཁུངས་དང་།  པོ་ཏཱ་ལ་ཨར་ལས་ཁང་གཉིས་ཀྱི་མིང་ཐོག་ནས་རྡེ་ར་རྡུན་ཁུལ་དུ་མ་གནས་ས་ཡ་བརྒྱ་ལྷག་གི་མགྲོན་ཁང་དང་ཟ་ཁང་ཚོང་ཁང་གློག་བརྙན་ཁང་སོགས་ཡོད་པའི་ཁྲོམ་གཟིགས་ཁང་ཆེན་པོ་ཞིག་གི་ལས་འཆར་འགོ་འཛུགས་ཟིན་པ་དང་།  ལོ་བཞིའི་ནང་ལེགས་གྲུབ་ཐུབ་པའི་ལས་འཆར་དེའི་ཐོག་ནས་ནང་སྲིད་ལས་ཁུངས་དང་།  པོ་ཏཱ་ཚོང་ལས་ཁང་གི་མ་ཤེར་མཁན་དང་།  བོད་མིའི་ཚོང་ལས་སྡེ་ཚོགས་བཅས་ལ་ཁེ་ཕན་ཇི་འདྲ་ཡོང་རྒྱུ་ཡིན་པ་སོགས་ཀྱི་བརྙན་པར་གཟིགས་འབུལ་གྱི་ལས་འཆར་འགྲེལ་བརྗོད་གནང་སོང་།   The post རྒྱལ་ས་ལྡི་ལིར་བོད་མིའི་ཚོང་ལས་བདེ་ཚོགས་ཀྱི་ལོ་འཁོར་ཚོགས་ཆེན་འཚོགས་སོང་། appeared first on vot .

  ListenShow Notes
• 

  Voice of Tibet

  བློ་དགའ་རང་བཙན་ལགས་ཀྱི་སྤུན་མཆེད་དང་རྒྱལ་ཚོགས་ཀྱི་སྐུ་ཚབ་དབར་མཇལ་འཕྲད་གནང་འདུག

  Aug 13, 2026—

  རྒྱལ་གཅེས་དཔའ་བོ་བློ་དགའ་རང་བཙན་ལགས་ཀྱིས་བོད་རྒྱལ་ཁབ་དང་མི་རིགས་ཆེད་དུ་རང་ལུས་མེར་བསྲེགས་བཏང་ནས་བདུན་ཚིགས་དྲུག་པ་དང་བསྟུན། ཁ་སང་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོ་ཟུར་པ་སྤྱི་ཟུར་ཚེ་དབང་རིག་འཛིན་ལགས་ཀྱི་སྣེ་ཁྲིད་འོག རྒྱལ་གཅེས་པ་དམ་པ་ཁོང་གིས་ཚ་བོ་ཚ་མོ་རྣམ་པ་གསུམ་པོས་ནིའུ་ཡོག་ཏུ་རྒྱལ་ཚོགས་ཀྱི་སྐུ་ཚབ་དང་ལྷན་དུ་མཇལ་འཕྲད་ཀྱིས། དཔའ་བོ་བློ་དགའ་རང་བཙན་ལགས་ཀྱི་གནད་དོན་དང་ལྷག་པར་དུ་བོད་ནང་གི་ཛ་དྲག་གནས་སྟངས་སོགས་འཁོད་པའི་དོན་ཚན་དྲུག་ཅན་གྱི་ཞུ་སྙན་ཞིག་ཕུལ་འདུག དེ་ཡང་ཨ་རིའི་ནིའུ་ཡོག་གྲོང་ཁྱེར་དུ་རྟེན་གཞི་བྱས་པའི་རྒྱལ་ཚོགས་ཀྱི་ལས་ཁུངས་མདུན་དུ་ཁ་སང་ནིའུ་ཡོག་ནིའུ་འཇར་སིའི་ས་གནས་ཛ་དྲག་ལས་འགུལ་ཚོགས་ཆུང་གི་གོ་སྒྲིག་འོག བྱང་ཨ་མི་རི་ཀའི་ས་ཕྱོགས་གང་ས་ནས་ཕེབས་པའི་བོད་མིས་གཞི་རྒྱ་ཆེ་བའི་ངོ་རྒོལ་ལས་འགུལ་སྤེལ་བཞིན་པའི་ཁྲོད། ཚེ་དབང་རིག་འཛིན་ལགས་ཀྱི་སྣེ་ཁྲིད་འོག་བློ་དགའ་རང་བཙན་ལགས་ཀྱི་སྐུ་མཆེད་གཉིས་ནས་རྒྱལ་ཚོགས་ཀྱི་ལས་ཁུངས་ནང་དུ་བཅར་ནས། རྒྱལ་ཚོགས་ཀྱི་འགྲོ་བ་མའི་ཐོབ་ཐང་སྡེ་ཚན་གྱི་རྒྱལ་ཚོགས་ཚོགས་མི་དབར་གྱི་འབྲེལ་ལམ་འགན་འཛིན་དང་ཁོང་གི་ཕྱག་རོགས་གཉིས་ཐུག་འཕྲད་གནང་འདུག འདི་ག་གསར་ཁང་ངོས་ནས་སྤྱི་ཟུར་ཚེ་དབང་རིག་འཛིན་ལགས་སུ་ཕྱོགས་གཉིས་ཀྱི་ཐུག་འཕྲད་དང་འབྲེལ་བཀའ་འདྲི་ཞུ་སྐབས་ཁོང་གིས། སྤྱིར་འདི་ལོའི་སྤྱི་ཟླ་ ༧ པའི་ནང་བློ་དགའ་རང་བཙན་ལགས་ཀྱིས་སྐུ་ལུས་མེར་བསྲེགས་བཏང་བའི་གནས་ཚུལ་ཐོན་རྗེས། སྐབས་དེར་རང་ངོས་སེམས་ནང་དམ་པ་དེ་ཉིད་ཀྱི་བློས་བཏང་དེ་རྒྱལ་ཚོགས་ཀྱི་སྡིངས་ཆའི་སྟེང་བཀལ་ཐུབ་པ་བྱ་རྒྱུ་ཡིན་ཞེས་སོ་སོར་དམ་བཅའ་བཞག་གནང་བ་དང་འབྲེལ། བདུན་ཕྲག་ཁ་ཤས་ཤིག་རྒྱལ་ཚོགས་ལ་འབྲེལ་བ་གནང་འབྲས་སུ་ད་ཐེངས་ཀྱི་མཇལ་འཕྲད་དེ་བྱུང་ཡིན་སྐོར་གསུངས་སོང་། ཐེངས་འདིའི་རྒྱལ་ཚོགས་ཀྱི་སྐུ་ཚབ་དང་ལྷན་མཇལ་འཕྲད་སྐབས་སྐུ་མཆེད་ཁོང་གཉིས་ཀྱི་མཚན་ཐོག་ནས་དོན་ཚན་ ༦ ཅན་གྱི་ཞུ་སྙན་ཞིག་ཕུལ་བའི་ནང་། རྒྱལ་ཚོགས་ངོས་ནས་བོད་ནང་རྟོག་ཞིབ་ཚོགས་ཆུང་ཆེད་གཏོང་དགོས་པ་དང་། བོད་དོན་ཆེད་རང་ལུས་མེར་བསྲེགས་བཏང་མཁན་རྣམས་ཀྱི་བློས་བཏང་ལ་ཆེ་མཐོང་འབུལ་དགོས་པ། དེ་བཞིན་རྒྱ་ནག་ལ་གནོན་ཤུགས་བརྒྱུད་བཅའ་སྡོད་སློབ་གྲྭ་ཁག་སྒོ་བརྒྱབ་རྒྱུ་དང་། མི་རིགས་མཐུན་སྒྲིལ་ཡར་ཐོན་སྐུལ་སྤེལ་གྱི་ཁྲིམས་ཟེར་བ་ཕྱིར་འཐེན་གནང་སྐྱོང་ཡོང་བ་བཅས་འཁོད་འདུག འདི་ག་གསར་ཁང་གིས་ཚེ་དབང་རིག་འཛིན་ལགས་སུ་མཉམ་འབྲེལ་རྒྱལ་ཚོགས་ངོས་ནས་ཁོང་རྣམ་པའི་ཞུ་འབོད་ལ་ཡ་ལན་གནང་ཕྱོགས་སྐོར་བཀའ་འདྲི་ཞུས་ཡོད། ཕྱོགས་མཚུངས་ཁ་སང་ནིའུ་ཡོག་ནིའུ་འཇར་སིའི་ས་གནས་ཛ་དྲག་ལས་འགུལ་ཚོགས་ཆུང་གི་གོ་སྒྲིག་འོག ནིའུ་ཡོག་གྲོང་ཁྱེར་ནང་ཨ་རི་དང་ཁེ་ན་ཌ་ནས་བོད་མི་བརྒྱ་ཕྲག་མང་པོས་ཕྱུ་པ་ནག་པོ་དང་། སྟོད་གོས་དཀར་པོ་གྱོན་ནས་རྒྱལ་ཚོགས་ཀྱི་མདུན་ཐང་དུ་འདུ་འཛོམས་ཀྱིས་བློ་དགའ་རང་བཙན་ལགས་ལ་རྗེས་དྲན་ཞུ་ཆེད་ལས་འགུལ་སྤེལ་གནང་བ་མ་ཟད། སྐབས་དེར་རྒྱལ་གཅེས་པ་དམ་པ་དེ་ཉིད་ཀྱི་སྤུན་མཆེད་རྣམས་ཀྱིས་ཀྱང་མང་ཚོགས་ལ་གསུང་བཤད་སོགས་གནང་འདུག རྩ་བའི་བློ་དགའ་རང་བཙན་ལགས་ཀྱིས་བོད་བསྟན་སྲིད་མི་རིགས་ཀྱི་ཆེད་དུ་སྐུ་ལུས་མེར་བསྲེགས་བཏང་བ་ནས་བཟུང་། ཨ་རིས་གཙོས་པའི་འཛམ་གླིང་ཡུལ་གྲུ་གང་སར་བཞུགས་པའི་བཙན་བྱོལ་བོད་མི་དང་བོད་དོན་རྒྱབ་སྐྱོར་བ་ཡོངས་ནས་ཚོར་བ་རྣོ་བོའི་ཐོག མར་མེ་ཁྲོམ་སྐོར་དང་། ཞི་བའི་གོམ་བགྲོད། ཟས་བཅད་ངོ་རྒོལ། ཞུ་གཏུག་ལས་འགུལ། དེ་བཞིན་བགྲོ་གླེང་སོགས་རྣམ་པ་འདྲ་མིན་གྱི་ཐོག་ནས་ལས་འགུལ་སྤེལ་དང་སྤེལ་མུས་ཁྲོད། དེ་རིང་བཞུགས་སྒར་དུ་བོད་ཀྱི་གཞོན་ནུ་ལྷན་ཚོགས་ཀྱི་གོ་སྒྲིག་འོག  དཔའ་བོ་དམ་པ་ཁོང་ལ་རྗེས་དྲན་ཞུ་སླད་བོད་དོན་དང་འབྲེལ་བའི་ཁབ་བཙགས་ལས་འགུལ་སྤེལ་སོང་བ་དང་། གཞན་ཡང་དེ་རིང་ཧི་མ་ཅཱ་མངའ་སྡེའི་ Poanta Sahib གྲོང་ཁྱེར་ནས་འགོ་འཛུགས་ཀྱིས་བཞུགས་སྒར་བར་རྒྱལ་གཅེས་དཔའ་བོའི་མངོན་འདོད་ཀྱི་རྐང་འཁོར་སྐོར་སྐྱོད་ལས་འགུལ་ཞིག་འགོ་འཛུགས་གནང་འདུག་པ་དང་། ལས་འགུལ་ཐོག་ཁྱོན་ས་གནས་མི་མང་བཅུ་ཙམ་ནས་ལྷན་ཞུགས་གནང་འདུག The post བློ་དགའ་རང་བཙན་ལགས་ཀྱི་སྤུན་མཆེད་དང་རྒྱལ་ཚོགས་ཀྱི་སྐུ་ཚབ་དབར་མཇལ་འཕྲད་གནང་འདུག appeared first on vot .

  ListenShow Notes

Recent guests on Voice of Tibet. Study who booked and why before you pitch.

Based on semantic analysis of episode topics and host coverage, this show is a strong guest fit for executives in:

Industry fit is computed by PitchCentric using vector embeddings of the show's episode catalog.